“Odehe lẹpwụ-lẹpwụ juwa e-ekpeleji nya ọngịrị nya Ohe Onyobyi.”—1 ỊJọn 5:19.

“ỊKịrayịsị Ọnyẹwẹ nya Ohe Oluhye warị wẹ odehe ọlẹ . . . kọ ka ta ụkụrwọ nya Ohe Onyobyi ọọwa ayịreji gbanggbang.”—1 ỊJọn 3:8, ỊBayịbụụ nya Ohe Oluhye.

À ka jẹ́ ang odudu ọlẹ ká akama lụmẹ ám̀ odehe.—Ọwụrụụ-wụrụ 12:12.

À ka lahị ọdahile nyori odehe nyahị ka há gụ ọlẹ ẹnẹhẹ wẹẹ.—1 ỊJọn 2:17.

Ee, u-uhye nya ahị nya ẹla ịta:

• Eji ọkpakpa nya olegu onyobyi ka ta ayịreji. IJihova nwụlanọ nyọka chị eji ọkpakpa nya olegu onyobyi eju u-uhye nya angịnyị ehe. Ọ myị ọnụ “nyọka ta Ohe Onyobyi . . . ayịreji gbanggbang” bala ọ-ka nwụla ang myị́ ang ịlẹ ká olegu onyobyi bịrị wuu rịrị.—Ala iHiburu 2:14, ỊBayịbụụ nya Ohe Oluhye.

• Ohe Oluhye chụ iJisọsị ịKịrayịsị nyọka ri adịrahụ nya odehe wuu. IJisọsị datị gbanggbang hi ọlọkwọ, ọla imajẹ ọlẹ kọ́ kpa odehe ụ-ụbwọ lẹẹlẹẹ. Ohe Oluhye ya jaabwọ ká eji ọkpakpa nya iJisọsị ka la, ọ yẹkẹẹ: ‘Ọ ka yẹ ahyẹẹrwẹrwa nya angị jula ọlọlọhẹ-ka bala angị ji ẹpwụ nya ọbaba . . . Ọ ka chaa da bwu ẹpwụ nya ọtụpyịpyị bala ọngịrị nya alabwẹga.’—Eje Ọnyịịla 72:13, 14.

• Ohe Oluhye à kaa me ọnọọkịla ka. ỊBayịbụụ ya gbagbịla yẹkẹẹ: ‘Ohe Oluhye á ri ọngọ kaa me ọnọọkịla ka.’ (Ala iHiburu 6:18) Kori iJihova á myị ọnụ nyọka họ ang lẹ, ịngịngịhyẹ á ka jẹ́-ẹ dọọ yi kaka! (Ayịsaya 55:10, 11) Ohe Oluhye ka “ku ọngọlẹ kọ wẹẹ kpa ọngịrị nyamwụ wuu gbeji odehe ọlẹ hi iwe-ahụrụ nyamwụ.”—ỊJọn 12:31.