Ẹla ọlẹ ká jẹ́-ẹ wẹ kpụng ịpyọ?
À tịtọ nyọka jẹ́ ang gụ ọọwa bwu ịBayịbụụ?
Ọlẹ ri ọ-mọnụ ma nya ang ọlẹ á ka jẹ́ ụ-ụpwụ ọlẹ ko ri, Chị Ọkẹkẹnị Gboyi Myị́ Oyi!—ỊBayịbụụ ọ-Jẹ́ Lawụlẹ.
Ọngọngọhẹ-ẹ́ ka bying nyị nwụ̀ okpoko chajị nya ụpwụ ọwẹ lee ang ọmẹjẹ ọọwa ka. Ọ ka kpụhị ịpyọ nyọka jẹ́ ịBayịbụụ balang lụka bala ẹga ọlẹ kọ háng.
Ẹ-ẹpwụ nya ang ọmẹjẹ o-bwu ịBayịbụụ ọọwa, à ka jẹ́ ang u-uhye nya ẹla lụmẹ-lụmẹ, lala:
Ang odudu ká Ohe họhị
Jaabwọ ká ka bwu ye okpunyi nyịlẹhị
Jaabwọ ká ugbiyegu ka bwu chị ọkẹkẹnị
Ẹla ọlẹ ká ịBayịbụụ chehe u-uhye nya ijuju
Nyọka la ụpwụ ọwẹ bala ọ-ka kịnyaa la ịBayịbụụ ọjẹ́jẹ, ya ẹla bala ọngọhẹ nya Alibeenu nya iJihova lee ka jw.org ka tọ wo nya ịBayịbụụ ọjẹ́jẹ.
