UKỌCHẸ 02
Baibul Ad’ukibeno Ọmẹmẹlẹ Ñwu Wa
Amonẹ wewe efu ilẹ-i defu ihianyi ojoji ojoji ki ajẹñwu ọla ma da, ki ajẹñwu ẹdọ ma kpabiẹ, ki añọ jẹñwu ma def’iwọ. I n’ẹñwu ki kẹrẹb’ẹ k’ẹ li ọla wẹ ef’uña-i mama mẹ? I neke che k’ẹ chọbata todu ọga abẹki todu k’ẹnẹ k’ẹ fẹdọ lekwu. Ẹ neke t’ọla wẹ ene-i, ‘Ilẹ-i ana rida ọmẹmẹlẹ ta?’ Baibul che dohi ki ad’ugbẹdọ ñwu wa.
1. Ẹñwu ch’ukibeno ki Baibul neke du ñwu wa?
Baibul ka ñwu wa ẹtẹ ki chi k’ilẹ-i chẹkọ ñwu akanya. I la ñọ d’inabali omẹmẹlẹ ñwu wa kakini am’akanya-i tẹ gbogbo alo-n. I gbanẹ gẹ-n, i ana w’ukpoji. Ugbalutanẹ ki defu Baibul neke ‘d’ukibeno kpai ejọgba ọmẹmẹlẹ ñwu wa.’ (Gba Jẹrẹmaya 29:11,12.) Amugbalutanẹ lẹ ach’atẹko wa ka neke legw’efu am’akanya wa du, ka nibe ọmẹmẹlẹ kpai ẹdẹbọ ki ma n’ukpoji-n.
2. Abu Baibul kaki ejọgba ana dẹ?
Baibul kakini ejọgba, “uku ñ’a dọmọ gẹ n, abẹk edaidọ, abẹk akuerọ abẹk iwọ adọmọ gẹ n.” (Gba Ọla Ebitẹ 21:4.) Am’akanya ki ajẹñwu ilẹ chuwa eju eñini-i—dabu ọbata, ajọ uji, ọga, manyu ukwu—aña dọmọ gẹ n. Baibul gbalutanẹ kaki amonẹ ana jura ogbegbelẹ efu Paradais anẹ ilẹ-i.
3. Abu ẹ neke kẹdọno kaki amugbalutanẹ ki defu Baibul ana chẹ?
Amonẹ wewe atene k’ẹñwu ọmẹmẹlẹ ki che, ama ma neke d’ọwọ k’ẹdọ kaki ẹñwu ku ma tene ana che n. Ẹñwu ki Baibul gbalutanẹ ch’ojoji. A neke kẹdọno ẹñwu ki Baibul ka ichẹñwu ka “n’Ọtakada Ọla Ọjọ agwili-wñ.” (Ẹwñ 17:11) Ichẹñwu k’ẹ kọchẹ Baibul, ẹ neke tu kpai ọla wẹ ichẹñwu k’ẹ kẹdọno ẹñwu ki Baibul ka lugbo ejọgba.
N’UMA NYỌGBA
Ka g’amẹñwu ki Baibul gbalutanẹ kaki i ana che ejọgba. G’alu k’amugbalutanẹ ki defu Baibul ach’atẹko amonẹ eñini-i.
4. Baibul gbalutanẹ kaki a neke deju ogbegbelẹ ki ma n’ọbata abẹki iwọ n
G’amugbalutanẹ ku ma kọ kwefu Baibul-i. Ugbo e-ki nyọ ñwẹ tule dẹ? Ẹñwu chi?
Gba am’ọgba Baibul ku ma kọ t’ọgba am’ugbalutanẹ lẹ, k’ẹ la dohi am’ene-i:
-
Ẹ neju kaki am’ọgba Baibul-i neke d’ukibeno ñwẹ? Am’onukwu wẹ kpai abo akwọra unyi wẹ neke jile kwefu ech’ukọchẹ am’ọgba Baibul-i?
Kp’ibe iko k’ẹ def’ilẹ ki
|
ẸNẸ DU AÑA CH’ỌBATA AM’ẸÑWU-I GẸ N . . . |
ẸNẸ DU ANA . . . |
|---|---|
|
|
|
|
|
|
|
|
|
|
5. Amugbalutanẹ ki defu Baibul neke d’ugbẹdọ ñwẹ
Ẹdọ am’onẹ wewe chẹ kpabiẹ todu am’akanya ojoji ojoji ku ma ali ogbegbele ma. Abo ka aja todu ku ma neke f’amẹñwu rida t’ọmẹmẹlẹ. G’alu k’ugbalutanẹ Baibul kaki ẹñwu ana nyọ ach’atẹko amonẹ abajọ-i. G’IFIDIO-i, ubilẹ mẹ ch’oluka oji am’ene-i.
-
Ef’ifidio lẹ, uji ẹñwu ma jẹñwu ẹdọ Rafika bọ n?
-
Dagba k’uji ki li ma takpa n, abu Baibul ch’atẹko ñwu le?
Ichẹñwu ka kibeno amugbalutanẹ Baibul lugbo ejọgba, i ana ch’atẹko wa k’a n’uyọ dagba ka defu ihianyi. Gba Ita Ita 17:22 kpai Abo Rom 12:12, ubilẹ mẹ ch’oluka oji am’ene-i:
-
Ichẹñwu k’ẹ kẹdọno amugbalutanẹ Baibul lugbo ej’ọgba, ẹ neju k’ọlai wẹ ana nyọ nyọgba abajọ-i? Ẹñwu chi k’ẹ kpibe abalẹ?
ABO KA KAKINI: “Amugbalutanẹ ki defu Baibul neke chẹ n.”
-
Ẹñwu chi ki chẹñwu ogbogaga k’ẹ gwili-wñ kp’ọla wẹ k’ẹ ma ochochi-wñ?
ẸY’ỌLA UKỌ-I
Amugbalutanẹ wewe lugbo ejọgba ẹnyọ j’efu Baibul. Ma ad’ukibeno ñwu wa, ma añọ jẹñwu ọlai wa ki ch’ọmẹmẹlẹ abajọ-i.
Ẹñwu ẹ kọchẹ?
-
Ẹñwu chi ki dukpẹ k’amonẹ ki ma amugbalutanẹ Ọjọ ki defu Baibul?
-
Ẹñwu Baibul ka lugbo ejọgba?
-
Abu ukibeno k’ẹ nẹ lugbo ej’ọgba neke ch’abunẹ wẹ abajọ-i?
KỌCHẸ MANYU
Kọchẹ manyu alu k’ukibeno neke ch’abunẹ wẹ iko k’ẹ defu akanya.
G’alu k’ukibeno lugbo ejọgba ọmẹmẹlẹ neke ch’abunẹ abo ku ma ach’ọga ki ma n’uda n.
“Baibul Neke Ch’abunẹ Mi Ichẹwñ Ku Na Ach’ọga Ki Ma N’uda N?” (I dẹ jw.org)
Alu k’ẹ g’ifidio-i, na kpibe oji ọla wẹ kpai abo akwọra unyi wẹ alu ku mẹ jura efu ilẹ ọmẹmẹlẹ ki Baibul gbalu lẹ.
Gba ọna k’ọlai ẹnẹ ki ajuja k’ẹñwu ki dẹ ñw amonẹ alu ki dukpẹ chẹ rida ubi ki kọchẹ lugbo ukibeno ki defu Baibul lugbo ejọgba wa.
“Omi Ñọ Kpibe Kaki U Neke R’ilẹ-i Da Gẹ N” (Ọdọgọ Ide, July 1, 2013)
