Isaias 37:1-38
37 Apaman a nangngeg daytoy ni Ari Ezekias, pinisangna dagiti badona ket nagsuot iti nakersang a lupot sa simrek iti balay ni Jehova.+
2 Imbaonna ni Eliakim, a mangay-aywan iti sangakabbalayan,* ni Sebna a sekretario, ken dagiti lallakay a papadi, a nakasuot iti nakersang a lupot, tapno mapanda ken propeta Isaias+ nga anak ni Amoz.
3 Imbagada kenkuana: “Daytoy ti kinuna ni Ezekias, ‘Aldaw ita ti riribuk, pammabalaw,* ken pannakaibabain; ta dandanin mayanak dagiti ubbing,* ngem awan ti pigsa ti ina nga ageddek.+
4 Sapay koma ta mangngeg ni Jehova a Diosmo ti imbaga ti Rabsake, nga imbaon ti apona nga ari ti Asiria tapno laisenna ti sibibiag a Dios,+ ket dusaenna gapu kadagiti imbagana a nangngeg ni Jehova a Diosmo. Gapuna, agkararagka+ para kadagiti natda nga umili.’”+
5 Iti kasta, napan ken Isaias dagiti adipen ni Ari Ezekias,+
6 ket kinuna ni Isaias: “Kastoy ti ibagayo iti apoyo, ‘Daytoy ti kinuna ni Jehova: “Dika agbuteng+ iti sasao a nangngegmo, a pinanglais kaniak dagiti katulongan ti ari ti Asiria.+
7 Impluensiaakto ti panunotna* ket makangngegto iti damag ken agsubli iti dagana.+ Patayekto sadiay iti espada.”’”+
8 Idi nadamag ti Rabsake a nagsanud ti ari ti Asiria manipud Lakis, nagsubli iti ari ket nadanonna a makilablaban iti Libna.+
9 Nangngeg ti ari nga umay makilaban kenkuana ni Ari Tirhaka ti Etiopia. Idi nangngegna daytoy, nangibaon manen kadagiti mensahero a mangibaga ken Ezekias:+
10 “Daytoy ti ibagayo ken Ari Ezekias ti Juda, ‘Saanka nga agpaallilaw iti Diosmo a pagtaltalkam, a nangibaga kenka: “Saanto a mayawat ti Jerusalem iti ari ti Asiria.”+
11 Nadamagmo ti panangdadael dagiti ari ti Asiria iti amin a daga.+ Makalasatkanto ngata?
12 Naisalakan kadi ida dagiti dios dagiti nasion a dinadael dagidi ammak?+ Ayan itan ti Gozan, Haran,+ Rezef, ken dagiti umili ti Eden nga agnanaed idiay Tel-asar?
13 Ayan ti ari ti Hamat, ti ari ti Arpad, ken ti ari dagiti siudad ti Sefarvaim,+ Hena, ken Iva?’”
14 Innala ni Ezekias dagiti surat manipud kadagiti mensahero sa binasana. Kalpasanna, napan ni Ezekias iti balay ni Jehova ket inukradna dagita* iti sanguanan ni Jehova.+
15 Inkararag ni Ezekias ken ni Jehova:+
16 “O Jehova a panguluen dagiti armada,+ ti Dios ti Israel, nga agtugtugaw iti trono iti ngatuen* dagiti kerubin, sika laeng ti pudno a Dios iti amin a pagarian ti daga. Inaramidmo ti langit ken ti daga.
17 Iyasidegmo ti lapayagmo, O Jehova, ket dumngegka!+ Luktam dagiti matam, O Jehova, ket kumitaka!+ Denggem amin nga impaibaga ni Senakerib a panglaisna iti sibibiag a Dios.+
18 O Jehova, pudno a dinadael dagiti ari ti Asiria ti amin a daga,+ agraman ti bukodda a daga.
19 Pinuoranda dagiti didiosenda,+ ta saan a dios dagita no di ket kayo ken bato nga aramid ti ima ti tao.+ Dayta ti makagapu a kabaelanda a dadaelen dagita.
20 Ngem ita, O Jehova a Diosmi, isalakannakami, tapno maammuan ti amin a pagarian ditoy daga a siksika laeng ti Dios, O Jehova.”+
21 Iti kasta, impaibaga ni Isaias nga anak ni Amoz ken ni Ezekias: “Daytoy ti kinuna ni Jehova a Dios ti Israel, ‘Gapu ta nagkararagka kaniak maipapan ken Ari Senakerib ti Asiria,+
22 daytoy ti imbaga ni Jehova maibusor kenkuana:
“Laisennaka ti birhen nga anak ti Sion, uyawennaka.
Ngilangilannaka ti anak a babai ti Jerusalem.
23 Asino ti linais+ ken pinagsasawam?
Asino ti binugkawam+Ken kinusilapam?
Daydiay Nasantuan ti Israel!+
24 Linaismo ni Jehova babaen kadagiti adipenmo+ ket kinunam,‘Babaen ti nakaad-adu a karuahek a pakigubatSumang-atakto iti tuktok dagiti bantay,+Dagiti kaadaywan a paset ti Lebanon.
Pukanekto dagiti natayag a sedrona, dagiti nasayaat a kayona a parwa.
Mapanakto kadagiti kangatuan a pagkamanganna, kadagiti kasamekan a bakirna.
25 Agkaliakto kadagiti bubon ket uminumak iti danum;Pagmagaekto dagiti karayan* ti Egipto babaen kadagiti dapanko.’
26 Dimo pay aya nangngeg? Nabayagen a naikeddeng* dayta.
Nabayagen a pinanggepko.*+
Itungpalko itan.+
Pagbalinemto dagiti napaderan a siudad kas nagpanawan a bunton ti rebba.+
27 Awanto ti maaramidan dagiti agnanaed kadagita;Agbuteng ken maibabaindanto.
Malaylaydanto a kas iti mula ken berde a ruot,Maksetdanto a kas iti ruot iti atep gapu iti angin iti daya.
28 Ngem ammok no agtugawka, no rummuarka, no sumrekka,+Ken no makapungtotka kaniak,+
29 Gapu ta nangngegko ti pungtot+ ken rurodmo kaniak.+
No kasta, ikkakto iti kawit ti agongmo ken rienda+ ti bibigmo,Ket iturongkanto iti nagnaam nga immay.”
30 “‘Daytoyto ti pagilasinam:* Kanenyonto iti daytoy a tawen ti aniaman nga agtubo;* ket kanenyonto iti maikadua a tawen ti bukbukel nga agrusing iti dayta; ngem agmulakayto iti bukbukel sa agapitkayo iti maikatlo a tawen, sa agmulakayto kadagiti ubas ket kanenyo ti bungada.+
31 Agramutto dagidiay natda iti sangakabbalayan ti Juda+ ken agbungada a kas iti mula.
32 Ta addanto natda a rummuar iti Jerusalem ken makalasat manipud Bantay Sion.+ Maaramidto daytoy gapu iti regta ni Jehova a panguluen dagiti armada.+
33 “‘Daytoy ngarud ti kinuna ni Jehova maipapan iti ari ti Asiria:+
“Saanto a makastrek iti daytoy a siudad+Wenno mangibiat iti panaWenno mangisarang iti kalasagWenno mangaramid iti bunton a pagdalanan.”’+
34 ‘Agsublinto iti nagnaanna nga immay;Saanto a makastrek iti daytoy a siudad,’ kinuna ni Jehova.
35 ‘Idepensakto daytoy a siudad+ ken isalakanko maigapu iti naganko+Ken maigapu ken adipenko a David.’”+
36 Iti kasta, rimmuar ti anghel ni Jehova ket pinatayna ti 185,000 a lallaki iti kampo dagiti Asiriano. Idi bimmangon dagiti umili iti agsapa, nakitada ti amin a bangkay.+
37 Iti kasta, pimmanaw ni Ari Senakerib ti Asiria sa nagsubli idiay Nineve+ ket nagtalinaed sadiay.+
38 Maysa nga aldaw, bayat nga agrukruknoy iti balay* ti diosna a ni Nisrok, simrek dagiti annakna a da Adramelek ken Sarezer ket pinatayda iti espada+ sa naglibasda a napan idiay Ararat.+ Ni Esar-haddon+ nga anakna ti simmaruno nga ari.
Footnotes
^ Wenno “palasio.”
^ Wenno “insulto.”
^ Lit., “addan dagiti ubbing iti puerta ti aanakan.”
^ Lit., “Mangikabilak kenkuana iti espiritu.”
^ Lit., “dayta.”
^ Wenno mabalin a, “nagbaetan.”
^ Wenno “dagiti kanal ti Nilo.”
^ Lit., “napasamak.”
^ Wenno “binukelko.”
^ Wenno “ti nagtubo a naregreg a binukel.”
^ Kayatna a sawen, ni Ezekias.
^ Wenno “templo.”
