Job 22:1-30
22 Insungbat ni Elifaz+ a Temanita:
2 “Adda aya usar ti tao iti Dios?
Adda aya maitulong kenkuana ti mannakaawat a tao?+
3 Napateg aya iti Mannakabalin-amin* a nalintegka,Wenno adda aya magunggonana iti agtultuloy a kinaawan pagkurangam?+
4 Dusaennakanto ayaKen ipannaka iti korte gapu iti panagdayawmo kenkuana?
5 Saan aya a gapu ta nakaron ti kinadakesmoKen kanayonka nga agkamkamali?+
6 Ta awan gapgapuna a mangalaka iti kolateral kadagiti kakabsatmo,Ken uksobem dagiti badoda isu a malabusanda.*+
7 Saanmo a papainumen iti danum daydiay nabannog,Ken saanmo a pakpakanen dagiti mabisin.+
8 Mannakabalin a tao ti makinkukua iti daga,+Ket ti mapabpaboran ti agnanaed iti dayta.
9 Ngem pinapanawmo dagiti balo a babbai nga ima-ima,Ken sinaktam dagiti takiag dagiti awan amana nga ubbing.*
10 Isu a napalikmutanka kadagiti silo,*+Ket dagiti bigla a nakabutbuteng a pasamak ti mangpakaro iti nerbiosmo;
11 Isu a nakasipsipnget ken awan ti makitam,Ket ti layus ti manglapunos kenka.
12 Saan aya a ti Dios ket adda iti kangatuan a langit?
Ket kitaem no kasano kangato ti amin a bituen.
13 Ngem imbagam: ‘Ania a talaga ti ammo ti Dios?
Kabaelanna kadi ti mangukom iti nasipnget nga ulep?
14 Nalingdan isuna kadagiti ulep isu a saanna a makitaBayat nga agpagnapagna iti immarko* a langit.’
15 Surotemto kadi ti nabayagen a dalanA nagnagnaan dagiti managdakdakes,
16 Dagiti tattao a sakbay ti orasda, innala ida ni patay*A kaslada iti balay a ti pundasionna ket inyanud ti layus?*+
17 Ibagbagada iti pudno a Dios: ‘Dinakami bibiangan!’
Ken ‘Ania koma ti maaramidan ti Mannakabalin-amin kadakami?’
18 Kaskasdi, Isu ti nangpunno kadagiti balayda iti nasayaat a bambanag.
(Saan a pulos a simmiplot iti isipko ti kasta a dakes a panagpampanunot.)
19 Makitanto daytoy dagiti nalinteg ken maragsakanda,Ket uyawento ida dagiti inosente ken ibagada:
20 ‘Nadadaelen dagiti kabusortayo,Ket lamutento ti apuy ti natedda kadakuada.’
21 Am-ammuem ti Dios, ket natalnanto ti kasasaadmo;Ken dumteng kenka dagiti nasayaat a bambanag.
22 Ipangagmo ti linteg nga imbaga ti ngiwatna,Ken ipapusom dagiti saona.+
23 No agsublika iti Mannakabalin-amin, sumayaatto manen ti kasasaadmo;+No ikkatem ti kinadakes iti pagtaengam,
24 No ipuruakmo ti balitokmo* iti tapokKen ti balitok ti Ofir+ kadagiti dadakkel a bato iti rangkis,
25 Ti ngarud Mannakabalin-amin ti agbalin a balitokmo,*Ken isu ti agbalin a kasayaatan a pirakmo.
26 Iti kasta, naragsakkanto gapu iti Mannakabalin-aminKet itangadmonto ti rupam iti Dios.
27 Agpakaasikanto kenkuana, ket denggennakanto;Dagiti inkarim ket tungpalemto.
28 Dagiti inkeddengmo nga aramiden ket agballiginto,Ken addanto lawag a mangsilnag iti dalanmo.
29 Ta no natangsit ti panagsasaom, maibabainkanto;Ngem dagiti napakumbaba* ket isalakannanto.
30 Alawennanto dagiti inosente a tattao;Isu a no nadalus dagita imam, sigurado a maalawkanto.”
Footnotes
^ Wenno “Pakaragsakan aya ti Mannakabalin-amin.”
^ Lit., “uksobem ti bado dagiti labus.”
^ Wenno “ulila.”
^ Lit., “pagsilo kadagiti billit.”
^ Wenno “nagtimbukel.”
^ Wenno “napaababa ti biagda.”
^ Lit., “karayan.”
^ Wenno “babassit a pedasom a balitok.”
^ Wenno “babassit a pedasom a balitok.”
^ Wenno “ti addaan iti nakadumog a matmata.”
