Job 35:1-16
35 Intuloy ni Elihu ti agsao:
2 “Kombinsidoka kadi unay a sika ti husto nga uray la ibagam,‘Nalinlintegak ngem iti Dios’?+
3 Ta ibagbagam, ‘Ania koma ti pagimbaganna kenka?*
Nasaysayaatak kadi no nakabasolak?’+
4 Sumungbatakto kenkaKen kadagiti kakaduam.+
5 Tumangadka iti langit ket kitaem,Paliiwem dagiti ulep+ a nangatngato ngem sika.
6 No agbasolka, masaktam kadi ti Dios?+
No nakaad-adu ti basolmo, ania ti epektona kenkuana?+
7 No nalintegka, ania ti maitedmo kenkuana;Ania ti maawatna kenka?+
8 Ti laeng tao a kas kenka ti maapektaran iti kinadakesmo,Ti laeng anak ti tao ti maapektaran iti kinalintegmo.
9 Agpakaasi dagiti tattao no nakaro ti pannakairurumenda;Agpaarayatda iti panangdominar* dagiti mannakabalin.+
10 Ngem awan ti mangibaga, ‘Ayan ti Dios, ti Naindaklan a Nangaramid kaniak,+Daydiay mangmangted iti panggapuanda nga agkanta iti rabii?’+
11 Ad-adu ti isursurona kadatayo+ ngem kadagiti animal iti daga,+Ken pagbalinennatayo a nasirsirib ngem kadagiti billit iti tangatang.
12 Agpatpatulong dagiti tattao ngem saan a sumungbat,+Gapu iti kinatangsit dagiti managdakdakes.+
13 Sigurado a saan a dumngeg ti Dios iti sinsinan a panagpakaasi,*+Saan nga ikaskaso dayta ti Mannakabalin-amin.
14 Nakarkaro pay ngarud no agreklamoka a dinaka ikankano!+
Nayuli kenkuanan ti kasom, isu a sipapasnek nga agurayka kenkuana.+
15 Ta dina imbilin a masingirka gapu iti pungtotna;Dina met inkankano ti nakaro a kinadarasudosmo.+
16 Saan nga ammo ni Job dagiti ibagbagana;Nagadu ti sasawenna ta awan ti ammona.”+
