KRISIS ITI LUBONG
1 | Protektaram ti Salun-atmo
NO APAY NGA IMPORTANTE
Gapu iti krisis wenno kalamidad, mabalin a maapektaran ti salun-at dagiti tattao iti adu a pamay-an.
-
No adda dakes a mapasamak, ma-stress dagiti tattao. Ket no agtultuloy dayta, nalaklakada a makaptan iti sakit.
-
Gapu iti trahedia wenno pandemia, mabalin a saanen a maasikaso a naimbag dagiti ospital dagiti masakit, ken limitadon ti suplay ti agas.
-
No adda kalamidad, rumigat ti biag isu a saanen a magatang dagiti tattao dagiti kangrunaan a kasapulanda, kas iti nasustansia a makan wenno agas.
Ti Masapul a Maammuam
-
Ti nakaro a sakit ken stress apektaranna ti panagdesisionmo, ket mabalin a mabaybay-amon dagiti bambanag a pagsayaatan ti salun-atmo. Lallalo pay no kua, nga agsakitka.
-
No mabaybay-an ti sakit, baka kumaro dayta ket mabalin pay ketdi a pakatayan.
-
No nasalsalun-atka, makaaramidka kadagiti nasayaat a desision uray nakaro ti krisis.
-
Adda man kuartam wenno awan, adda maaramidam tapno maprotektaram ti salun-atmo.
Ti Maaramidam Itan
Panunoten ti masirib a tao dagiti posible a peligro ken ikarigatanna a lisian dagita. Kasta met laeng iti salun-at. Maksayan ti posibilidad nga agsakitka, wenno maliklikam a kumaro ti sakitmo, no iyugalim ti nasayaat a hygiene wenno kinamanagdaldalus. Tay kunadan, “prevention is better than cure.” Kayatna a sawen, nasaysayaat a lapdan ti sakit ngem tay agasan.
“Sigsiguraduenmi a kanayon a nadalus ti bagimi ken ti balaymi, isu a makatipidkami iti pagpadoktor ken pagpaagasmi.”—Andreas. a
a Nabaliwan ti dadduma a nagan iti daytoy a magasin.
Baka Kayatmo Met ti
AGRIINGKAYO!
Dagiti Aramidem Tapno Malabanam ti Stress
Kitaem ti dadduma a makatulong a prinsipio a makatulong kenka tapno mas malabanam ken makissayam ti stress.
TI KUNA DAGITI PADAM NGA AGTUTUBO
Ibaga Dagiti Agtutubo ti Maipapan iti Nasalun-at nga Estilo ti Panagbiag
Marigatanka kadi a mangan iti nasustansia ken agehersisio? Iti daytoy a clip, ibaga dagiti agtutubo ti ar-aramidenda tapno agtalinaedda a nasalun-at.
