Wen, no awan ti nainkalintegan a rason ti panagkaduada, mabukel ti hudisial a komite ta nabileg ti ebidensia nga adda naaramid a seksual nga immoralidad.​—1 Cor. 6:18.

Siaannad nga usigen ti bagi dagiti panglakayen ti tunggal situasion tapno matingitingda no kasapulan a mabukel ti hudisial a komite. Kas pagarigan: Adda kadi romantiko a relasionda? Nabalakadanda kadi idin maipapan iti konduktada iti maysa ken maysa? Ania dagiti sirkumstansia no apay a nagpatnagda a nagkadua? Implanoda kadi dayta? Mabalin kadi koma a naliklikanda ti agkadua, wenno adda nainkalintegan a rason, nalabit gapu iti di ninamnama a pasamak wenno emerhensia? (Ecl. 9:11) Ania dagiti urnos ti pannaturogda? Gapu ta naiduma ti tunggal situasion, mabalin nga adda pay dagiti napateg a banag a masapul nga ikabilangan dagiti panglakayen.

Kalpasan a maammuan ti bagi dagiti panglakayen dagiti detalye ti napasamak, tingitingenda no kasapulan a tamingen ti hudisial a komite dagitoy nga indibidual gapu iti inaramidda.