Idi adda ni Jesus ditoy daga, impakitana nga ay-ayatenna unay dagiti tattao, lalo dagiti marigrigat ken agprobproblema. (Mateo 9:36) Insakripisiona pay ketdi ti biagna para iti dadduma. (Mateo 20:28; Juan 15:13) Din agbayag, ipakitananto manen ti ayatna kadagiti tattao inton usarenna ti autoridad ken pannakabalinna kas Ari ti Pagarian ti Dios a mangikkat iti kinarigat ti biag iti intero a daga.

 Kitaentayo no ania ti ibagbaga ti Biblia nga aramidento ni Jesus:

•   “Ikalinteganna koma dagiti napanglaw iti ilim,isalakanna koma ti annak dagiti marigrigat.”—Salmo 72:4.

 Kasanotayo a maipakita ti apresasiontayo iti amin nga inaramid ni Jesus ken kadagiti aramidennanto pay para kadatayo? Iti Lucas 22:19, imbaga ni Jesus kadagiti pasurotna a laglagipenda ti ipapatayna. Isu nga iti kada tawen, agkakadua dagiti Saksi ni Jehova a manglaglagip iti ipapatayna. Awisendaka nga umatender iti Memorial ti ipapatay ni Jesus inton Domingo, Marso 24, 2024.

Agbirok iti Memorial