“Ti panagpatingga ti COVID-19 kas sangalubongan a pandemia dina kaipapanan a nagpatinggan ti COVID-19 kas sangalubongan a pangta iti salun-at. . . . Sigurado nga addanto manen ti sabali a pandemia iti masanguanan ket masapul a nakasaganatayo.”—Dr. Tedros Adhanom Ghebreyesus, director-general of the World Health Organization, Mayo 22, 2023.

 Adu a tattao ita ti agsagsagaba kadagiti pisikal ken mental nga epekto ti COVID-19 pandemic. Dagiti kadi gobierno ken institusion a mangay-aywan iti salun-at kabaelandatayo a tulongan iti agdama a problematayo iti salun-at? Ken nakasaganada kadi para iti sumaruno a pandemic?

 Ibagbaga ti Biblia ti maipapan iti maysa a gobierno a makaipaay iti kasapulantayo a panangaywan iti salun-at. Kunana a “mangipasdekto ti Dios ti langit iti maysa a pagarian,” wenno gobierno. (Daniel 2:44) Bayat ti panagturay dayta a gobierno, “awanto ti residente a mangibaga: ‘Masakitak.’” (Isaias 33:24) Tagiragsakento ti amin ti nasayaat a salun-at ken pigsa a kas iti agtutubo.—Job 33:25.