Septiembre 2-8
SALMO 79-81
Kanta 29 ken Kararag | Panglukat a Sasao (1 min.)
1. Ipakitam nga Ipatpategmo ti Nadayag a Nagan ni Jehova
(10 min.)
Adaywam dagiti aramid a pakaibabainan ni Jehova (Sal 79:9; w17.02 9 ¶5)
Awagam ti nagan ni Jehova (Sal 80:18; ijwbv 3 ¶4-5)
Adu a bendision ti ited ni Jehova kadagidiay natulnog kenkuana ken naimpusuan a mangipateg iti naganna (Sal 81:13, 16)
Tapno maidaydayawtayo ti nagan ni Jehova babaen ti ar-aramidtayo, masapul nga iyam-ammotayo ti bagitayo kas Saksina
2. Panagkali iti Naespirituan a Gameng
(10 min.)
-
Sal 80:1—Apay a mausar no dadduma ti nagan ni Jose a tumukoy iti amin a tribu ti Israel? (it-1 1258)
-
Iti panagbasa iti Biblia ita a lawas, ania dagiti naespirituan a gameng a kayatyo nga iranud?
3. Panagbasa iti Biblia
(4 min.) Sal 79:1–80:7 (th adalen 10)
4. Panangirugi iti Saritaan
(1 min.) PANAGBALAYBALAY. Iyawis ti panagadal iti Biblia. (lmd leksion 4 punto 4)
5. Panangirugi iti Saritaan
(3 min.) DI PORMAL A PANANGASABA. Iyawis ti panagadal iti Biblia. (lmd leksion 4 punto 3)
6. Panangirugi iti Saritaan
(2 min.) PANANGASABA ITI PUBLIKO. Iyawis ti panagadal iti Biblia. (lmd leksion 3 punto 3)
7. Panagsarungkar
(5 min.) PANAGBALAYBALAY. Iyawis ti panagadal iti Biblia iti maysa nga interesado a nangibaga idi a saanna a kayat ti agadal iti Biblia. (lmd leksion 8 punto 3)
Kanta 10
8. “Idaydayawdanto ti Naganko”
(15 min.) Pagsasaritaan.
Inrugi ni Satanas a padaksen ti nagan ni Jehova idiay hardin ti Eden. Sipud idin, ti kapatgan a desision a masapul nga aramiden ti amin a tattao ken dagiti anghel ket no idaydayawda ti nagan ni Jehova wenno saan.
Panunotem ti sumagmamano laeng a nakaro a kinaulbod nga iwarwaras ni Satanas maipapan ken Jehova. Ak-akusaranna ni Jehova a naulpit ken saan a naayat nga agturay. (Ge 3:1-6; Job 4:18, 19) Kueskuestionaranna dagiti agdaydayaw ken Jehova. Ibagbagana a saanda a talaga nga ay-ayaten Isuna. (Job 2:4, 5) Nakombinsirna pay ketdi ti minilion a tattao a mamati a saan a ni Jehova ti nangparsua iti nagpintas a daga a paggigianantayo.—Ro 1:20, 21.
Ania ti marikriknam kadagita a kinaulbod? Sigurado a kayatmo nga idepensa ni Jehova. Ammona a kayat dagiti agdaydayaw kenkuana ti tumulong tapno masantipikar ti naganna. (Ikompara ti Isaias 29:23.) Kasanoka a makatulong?
-
Tulongam ti dadduma a mangam-ammo ken mangayat ken Jehova. (Jn 17:25, 26) Nakasaganaka koma a mangipakita kadagiti ebidensia a talaga nga adda ni Jehova ken isurom iti dadduma dagiti nagsasayaat a kualidadna.—Isa 63:7
-
Ayatem ni Jehova iti amin a pusom. (Mt 22:37, 38) Agtulnogka kadagiti bilin ni Jehova, saan la a gapu ta pagsayaatam dagita, no di ket kayatmo a paragsaken isuna.—Pr 27:11
I-play ti VIDEO a Ti Ayat Saan a Pulos Agpatingga iti Laksid ti . . . Dakes nga Impluensia iti Eskuelaan. Kalpasanna, isaludsod dagitoy:
-
Ania ti inaramid da Ariel ken Diego tapno maidepensada ti nagan ni Jehova?
-
Apay a kayatda nga idepensa ni Jehova?
-
Kasanom a matulad ti inaramidda?
9. Panagadal ti Kongregasion iti Biblia
(30 min.) bt kap. 15 ¶1-7 ken intro ti seksion 6
