Jakobsbréfið 5:1–20

SPILA

Viðvörun til auðmanna (1–6)
Guð blessar þolinmæði og þolgæði (7–11)
Látið „já“ ykkar merkja já (12)
Trúarbæn er áhrifarík (13–18)
Syndara hjálpað að snúa til baka (19, 20)

5 Hlustið, þið auðmenn, grátið og kveinið yfir þeim hörmungum sem koma yfir ykkur.+ ² Auður ykkar er orðinn fúinn og fötin mölétin.+ ³ Gull ykkar og silfur er sundurryðgað, og ryðið vitnar gegn ykkur og étur upp hold ykkar. Það sem þið hafið safnað verður eins og eldur á síðustu dögum.+ ⁴ Heyrið! Laun verkamannanna sem slógu akra ykkar hrópa stöðugt því að þið hafið ekki greitt þau, og Jehóva* hersveitanna hefur heyrt kornskurðarmennina kalla á hjálp.+ ⁵ Þið hafið lifað í munaði og sjálfsdekri á jörðinni. Þið hafið alið hjörtu ykkar fram á slátrunardag.+ ⁶ Þið hafið sakfellt, þið hafið myrt hinn réttláta. Stendur hann ekki gegn ykkur? ⁷ Verið því þolinmóð, bræður og systur, fram að nærveru Drottins.+ Sjáið! Bóndinn bíður eftir dýrmætum ávexti jarðarinnar. Hann bíður þolinmóður eftir honum fram að haustregni og vorregni.+ ⁸ Verið þið líka þolinmóð.+ Styrkið hjörtu ykkar því að nærvera Drottins er í nánd.+ ⁹ Kvartið* ekki hvert undan öðru, bræður og systur, til að þið verðið ekki dæmd.+ Dómarinn stendur við dyrnar. ¹⁰ Bræður og systur, takið spámennina til fyrirmyndar sem töluðu í nafni Jehóva.*+ Þeir þoldu illt+ og voru þolinmóðir.+ ¹¹ Við teljum þá lánsama* sem hafa verið þolgóðir.+ Þið hafið heyrt um þolgæði Jobs+ og hvernig Jehóva* leiddi mál hans til lykta.+ Þið sjáið að Jehóva* er mjög umhyggjusamur* og miskunnsamur.+ ¹² Umfram allt, bræður mínir og systur, hættið að sverja, hvort heldur við himin eða jörð eða við nokkuð annað. En látið „já“ ykkar merkja já og „nei“ ykkar nei+ svo að ekki sé hætta á að þið fáið dóm. ¹³ Þjáist einhver á meðal ykkar? Þá biðji hann stöðugt.+ Liggur vel á einhverjum? Þá syngi hann sálma.+ ¹⁴ Er einhver veikur á meðal ykkar? Þá kalli hann til sín öldunga+ safnaðarins, og þeir skulu biðja fyrir honum og bera á hann olíu+ í nafni Jehóva.* ¹⁵ Trúarbænin mun lækna hinn veika* og Jehóva* reisir hann á fætur. Og ef hann hefur syndgað verður honum fyrirgefið. ¹⁶ Játið því syndir ykkar+ opinskátt hvert fyrir öðru og biðjið hvert fyrir öðru svo að þið læknist. Innileg bæn réttláts manns er mjög áhrifarík.*+ ¹⁷ Elía var maður eins og við, en þegar hann bað þess í einlægni að ekki skyldi rigna þá rigndi ekki í landinu í þrjú ár og sex mánuði.+ ¹⁸ Síðan bað hann aftur og þá kom regn af himni og jörðin bar ávöxt.+ ¹⁹ Bræður mínir og systur, ef einhver meðal ykkar villist frá sannleikanum og einhver annar hjálpar honum að snúa til baka, ²⁰ þá vitið að hver sem snýr syndara af rangri braut+ bjargar honum* frá dauða og hylur fjölda synda.+