Guð skapaði ekki djöfulinn. Hins vegar skapaði Guð engil sem síðar varð djöfullinn, einnig þekktur sem Satan. Í Biblíunni er sagt að áður hafi breytni hans verið flekklaus. Í upphafi var því djöfullinn réttlátur andasonur Guðs. – Lestu Esekíel 28:14, 15.

Engillinn sem varð djöfullinn valdi að gera uppreisn gegn Guði og fékk fyrstu hjónin til liðs við sig. Hann gerði sig þannig að Satan sem þýðir „andstæðingur“. – Lestu 1. Mósebók 3:1-5; Opinberunarbókina 12:9.

Líkt og allar skynsemigæddar sköpunarverur Guðs gat engillinn sem síðar varð djöfullinn valið að gera rétt eða rangt. En hann ól með sér löngun í að vera tilbeðinn. Þessi löngun hans í upphefð var sterkari en löngun hans til að þóknast Guði. – Lestu Matteus 4:8, 9; Jakobsbréfið 1:13, 14.

Hvernig heldur djöfullinn áfram að hafa áhrif á fólk? Ættirðu að óttast hann? Í Biblíunni er að finna svörin við þessum spurningum.