Iepril 1-7
SAAMZ 23-25
Sang 4 An Prieya | Tingz We Wi Fi Luk Out Fa Iina Di Miitn (1 min.)
1. “Jeuova A Tek Kier A Mi Laik Wan Man We A Tek Kier A Im Shiip”
(10 min.)
Jeuova mek wi nuo wa fi du (Sa 23:1-3; w11-E 5/1 31 ¶3)
Jeuova protek wi an kip wi sief (Sa 23:4; w11-E 5/1 31 ¶4)
Jeuova fiid wi (Sa 23:5; w11-E 5/1 31 ¶5)
Jos laik ou wan man we a tek kier a im shiip dem eva a luk out fi dem, a siem wie so Jeuova eva a tek kier a di wan dem we a sorv im.
AKS YUSELF, ‘Wa a som a di sitn dem we Jeuova du we mek mi si se im a tek kier a mi?’
2. Di Preshos Tingz Fram Di Baibl
(10 min.)
Sa 23:3—Wen di Baibl taak bout “the paths of righteousness,” wa it miin, an wa kyan elp wi fi mek shuor se wi tan pan di rait ruod? (w11-E 2/15 24 ¶1-3)
Fi da wiik ya, tel wi som a di preshos ting dem we yu lorn fram di Baibl riidin.
3. Di Baibl Riidin
(4 min.) Sa 23:1–24:10 (th-E stodi 5)
4. Wen Wi Taak Tu Piipl Fi Di Fos Taim
(3 min.) PRIICH TU PIIPL ENIWE YU DE. Sumadi tel yu se dem a wori bout wa a gwaan wid di weda an dem ting de. Tel dem sitn fram di Baibl we kyan elp dem. (lmd lesn 2 paint 5)
5. Wen Wi Go Bak Go Taak Tu Dem
(4 min.) WEN WI A PRIICH OUS TU OUS. Shuo sumadi we did tek wan a di Yu Kyan Bi Api Nou An Fi Eva! pamplet dem ou wi stodi di Baibl wid piipl. (lmd lesn 9 paint 3)
6. Elp Dem Fi Ton Jiizas Falara
(5 min.) lff lesn 14 paint 4 (lmd lesn 11 paint 3)
Sang 54
7. Wi No Lisn Tu Piipl We A Taak Gens Di Chuut
(15 min.) Taak an kwestiyan.
Yu si di man we a tek kier a di shiip dem, dem nuo im vais an a onggl im wan dem fala, an dem no lisn tu nobadi els. (Jan 10:5) A siem wie so, wi waahn fi mek shuor se wi eva a lisn tu Jeuova an Jiizas, di wan dem we a tek kier a wi laik ou wan man tek kier a im shiip dem. (Sa 23:1; Jan 10:11) An wi no lisn tu nobadi we kom wid no “mek op tuori” we a chrai fi mek wi no chos iina Gad.—2Pii 2:1, 3.
Jenisiz chapta chrii tel wi bout di fos taim wen sumadi kom wid dem mek op tuori. Sietan did kom tu Iiv laik siniek anda graas. An im did gwaan laik se im an ar a fren an tel ar bie lai bout Jeuova an we Im waahn fi ar. Sad fi se, Iiv lisn tu im an a kaaz a dat wol iip a prablem kom dong pan ar an di wol a wi tu.
Nowadiez, Sietan kaaz piipl fi a tel wan bag a lai pan Jeuova an im aaganaizieshan, ar dem taak tingz we soun laik a chuu bot a no riili so it go fi chuu, kaa im no waahn wi fi a chos iina Jeuova an im aaganaizieshan. Wen wi ier dem sitn ya, wi no waahn fi av notn fi du wid dat! Ef wi fain se wi waahn fi go faas likl an si wa dem a se, dat kyan mash wi op. Kaa wen wi luk pan it, a umoch wod Sietan did yuuz fi chrik op Iiv iina di likl taim wen im did taak tu ar? (Je 3:1, 4, 5) Bot supuoz di sumadi we a tel wi di bad sitn dem bout Jeuova aaganaizieshan a sumadi we wi nuo we lov wi an fiil se a elp dem a elp wi?
Plie di VIDIYO “No Fala No Chrienja Vais.” Den aks da kwestiyan ya:
Wen ar mada did a taak aal kain-a tingz gens Jeuova an im aaganaizieshan, wa yu lorn fram di wie ou Juuli did diil wid dat?
