Wen Jiizas did de pan di ort, im did shuo se im riili lov piipl—im aal ded fi dem tu. (Matyu 20:28; Jan 15:13) Suun suun, im a-go du sitn els fi shuo umoch im lov piipl. Kaaz im a di King fi Gad Kindom, im a-go yuuz di powa we Gad gi im fi “tap di waar dem we a gwaan aal uova di ort.”—Saam 46:9.

 Luk pan wa di Baibl se Jiizas a-go du:

•   “Di puor piipl we a baal out fi elp im a-go siev dem, an im a-go du sopm fi elp di ombl wan dem uu nobadi neehn bizniz wid. Im a-go fiil it fi puor piipl an fi di wan dem we a sofa, an im a-go siev dem laif. Im a-go siev dem fram wikid piipl uu a mek dem sofa an uu a chrai fi ort dem.”—Saam 72:12-14.

 Wa wi kyan du fi shuo se wi tangk Jiizas fi aal a wa im du fi wi an fi wa im a-go du fi wi iina di fyuucha? Iina Luuk 22:19, Jiizas did tel im falara dem se dem no fi figet se im did ded fi dem. An dat a wa mek evri ier pan di diet wen im did ded, di Jeuova Witnis dem miit op tugeda. So wi wel waahn yu fi kom a di Laad Sopa we a-go gwaan Sonde, Maach 24, 2024.

Fain Wan Laad Sopa Miitn