Ora éntuk balas dendam meskipun dijahati wong liya. Ing Alkitab ditulis, ”Aja ngomong, ’Aku bakal njahati dhèwèké merga dhèwèké wis njahati aku. Aku bakal mbales tumindaké.’” (Wulang Bebasan 24:29) Ing Alkitab ana saran bèn aja nganti péngin balas dendam.

Ing artikel iki bakal dibahas:

•  Ngapa kok ora éntuk balas dendam?

•  Piyé Gusti Allah ngukum wong sing salah?

•  Piyé bèn aja nganti péngin balas dendam?

•  Pendapat soal balas dendam

 Nèk dijahati utawa dilarani, isa waé awaké dhéwé dadi nesu lan péngin mbales. Tapi kuwi ora sesuai karo sing ditulis ing Alkitab. Lha ngapa?

 Gusti Allah ora seneng nèk manungsa balas dendam. Yéhuwah a ngomong, ”Aku sing nduwé hak kanggo mbales. Aku sing bakal mbales kejahatané wong-wong kuwi.” (Roma 12:19) Ing Alkitab malah ana naséhat bèn awaké dhéwé berusaha tetep rukun timbang balas dendam. (Roma 12:18) Tapi piyé nèk wis berusaha ning ora ana hasilé? Menurut Alkitab, awaké dhéwé kudu percaya karo Gusti Allah sing bakal ngrampungi masalahé.​—Mazmur 42:10, 11.

 Saiki, Gusti Allah ngijinké pamréntah kanggo ngukum wong sing salah. (Roma 13:1-4) Tapi, sukmbèn Gusti Allah dhéwé sing bakal nyingkirké wong sing jahat.​—Yésaya 11:4.

•   Kudu mikir dhisik. (Wulang Bebasan 17:27) Nèk langsung nesu, biasané mengko gela. Mulané, kudu mikir dhisik bèn ora kaya ngono.​—Wulang Bebasan 29:11.

•   Berusaha bèn ngerti alesané. (Wulang Bebasan 18:13) Nèk dilarani, awaké dhéwé isa mikir, ’Ngapa ya kok dhèwèké kaya ngono? Apa dhèwèké lagi ana masalah? Apa aja-aja dhèwèké ora ngerti nèk nglarani aku?’ Isa waé ternyata kuwi ora sengaja.

 Sing salah: Merga ora éntuk balas dendam, berarti nèk diserang ya ora éntuk membéla diri.

 Sing bener: Pas diserang, awaké dhéwé isa membéla diri, utawa njaluk bantuané polisi lan pihak berwenang liyané. Tapi nèk isa, aja nganti mbales nganggo kekerasan.​—Wulang Bebasan 17:14.