Mazmur 92:1-15
Lagu kanggo dina Sabat.
92 Oh Gusti Allah sing Mahaluhur, aku seneng banget isa ngucap syukur marang Yéhuwah+Lan nyanyi lagu pujian* kanggo jeneng-Mu.
2 Pas ésuk, aku seneng banget nyritakké soal katresnan-Mu,*+Lan pas bengi, aku seneng banget nyritakké soal kesetiaan-Mu
3 Nganggo iringan harpa sing gedhéLan harpa sing swarané merdu.+
4 Oh Yéhuwah, kabèh sing Njenengan tindakké nggawé aku seneng.
Kabèh sing Njenengan tindakké nggawé aku sorak-sorak merga seneng.
5 Oh Yéhuwah, kabèh sing Njenengan tindakké kuwi luar biasa.+
Njenengan wicaksana* banget.+
6 Wong sing ora isa nalar ora bakal ngerti soal kuwi.
Wong sing bodho ora isa paham soal iki:+
7 Senajan wong jahat saya akèh kaya suket sing thukulLan wong sing nindakké kejahatan saya makmur,Ning akhiré wong-wong kuwi bakal disingkirké saklawasé.+
8 Tapi Njenengan bakal diluhurké saklawasé, oh Yéhuwah.
9 Oh Yéhuwah, deloken pas mungsuh-mungsuh-Mu kalah.
Mungsuh-mungsuh-Mu mesthi bakal mati.
Kabèh wong sing nindakké kejahatan bakal kocar-kacir.+
10 Ning, Njenengan nggawé aku kuwat kaya banthèng.
Kulitku bakal tak olèsi minyak sing anyar+ bèn lembab.
11 Aku bakal ndelok mungsuh-mungsuhku kalah.+
Aku bakal krungu nèk wong jahat sing nyerang aku dikalahké.
12 Ning, wong sing bener bakal saya makmur kaya wit palem sing suburLan dadi saya gedhé kaya wit aras Lébanon.+
13 Wong kuwi kaya wit sing ditandur ing omahé YéhuwahLan dadi subur ing halaman omahé Gusti Allahé awaké dhéwé.+
14 Senajan wis tuwa,* wit kuwi tetep metu buahé.+
Wong kuwi bakal tetep kuwat* lan séhat,+
15 Bèn isa nyritakké nèk Yéhuwah kuwi bener.
Dhèwèké kuwi gunung watuku,+ lan Dhèwèké ora tau nindakké sing ora adil.
Katrangan Tambahan
^ Utawa ”main musik”.
^ Utawa ”katresnan-Mu sing langgeng”. Deloken Daftar Istilah.
^ Deloken Daftar Istilah.
^ Utawa ”wis uwanen”.
^ Lit.: ”lemu”.
