Akèh wong mikir nèk ing taun 2024 keadaané bakal tetep susah lan akèh masalah sing ora isa diatasi. Tapi awaké dhéwé isa yakin nèk keadaané ora bakal kaya ngéné terus. Saka endi awaké dhéwé ngerti?

 Ing Alkitab disebutké nèk Gusti Allah janji bakal nyingkirké kabèh masalah sing nggawé awaké dhéwé susah. Sedhéla manèh, Gusti Allah bakal ”ngusapi air matané wong-wong kuwi. Ora bakal ana manèh kesusahan, tangisan, lan rasa lara. Malah, kematian ya ora bakal ana manèh”.​—Wahyu 21:4.

•   Nèk péngin ngerti keterangan luwih akèh soal janji ing Alkitab, wacanen artikel ”Harapan ing Masa Depan”.

 Harapan ing Alkitab isa mbantu awaké dhéwé tetep semangat, ora putus asa, lan ngrasa ayem meskipun ana masalah. (Roma 15:13) Saran-saran ing Alkitab ya isa mbantu awaké dhéwé ngadhepi masalah, misalé kemiskinan, dijahati wong liya, lan lara.

•   Merga ngerti harapan ing Alkitab, ana wong lanang sing tetep ngrasa ayem lan bahagia meskipun miskin. Deloken vidéo Juan Pablo Zermeño: Yéhuwah Nggawé Uripku Ana Tujuané.

•   Saran-saran ing Alkitab isa mbantu njenengan ngadhepi perasaan bersalah, sedhih, kuwatir, lan wektu ditinggal mati wong sing disayangi. Wacanen artikel ”Apa ing Alkitab Ana Ayat-Ayat sing Isa Nguwatké Aku?”

•   Gatèkna piyé mantan tentara sing mbiyèné kasar lan ora perduli karo wong liya akhiré isa ngerti harapan ing Alkitab. Deloken vidéo Saya Membuang Senjata Saya.

 Njenengan isa berupaya bèn ing taun 2024 iki njenengan lan keluarga isa bahagia. Cobanen sinau Alkitab karo Seksi-Seksi Yéhuwah bèn ngerti keterangan luwih akèh soal saran-saran ing Alkitab sing isa nggawé njenengan tetep bahagia. Nèk sinau Alkitab, saiki njenengan isa ngrasakké ”kedamaian” saka Gusti Allah, terus ya nduwé ”masa depan lan harapan”.​—Yérémia 29:11.