KUDU TERUS JAGA-JAGA
Ngapa Kok Akèh Tokoh Politik sing Diserang?
Ing sak donya, ana akèh tokoh politik sing diserang. Misalé:
Ing Meksiko, pas pemilu taun 2023-2024 keadaané kacau merga akèh tokoh politik sing diserang. Malah ana 39 sing dipatèni.
Durung suwé iki ing Eropa, ya akèh tokoh politik sing diserang. Salah sijiné perdana menteri Slowakia sing ditémbak pas tanggal 15 Mei 2024. Tapi dhèwèké ora mati.
Tanggal 15 September 2024, wong-wong ing Amerika Serikat padha kagèt merga ana sing ngupaya némbak manèh mantan présidèn Donald Trump, tapi ora kena.
Ngapa kok akèh tokoh politik sing diserang? Apa keadaané isa dadi luwih aman? Menurut Alkitab piyé?
Ramalan ing Alkitab
Sesuai ramalan ing Alkitab saiki wis ”akhir jaman”. Makané wong-wong dadi tambah jahat, kejem, lan benci karo wong-wong sing pendapaté béda karo meréka.
”Ing akhir jaman, keadaané bakal angèl diadhepi lan berbahaya. Wong-wong bakal . . . ora nduwé rasa maturnuwun, ora setya, . . . ora gelem setuju karo wong liya, . . . kejem, . . . seneng ngianati, ngèyèl, [lan] sombong.”—2 Timotius 3:1-4.
Ing Alkitab ya diramalké nèk ing akhir jaman bakal ana akèh gègèran. Kuwi isa waé merga wong-wong sing ora seneng karo pamréntah utawa nduwé pandhangan politik sing béda. (Lukas 21:9) Tapi, apa keadaané bakal kaya ngono terus? Utawa keadaané isa dadi luwih aman?
Sukmbèn keadaané bakal aman lan damai
Ing Alkitab disebutké nèk Gusti Allah bakal ngganti pamréntahané manungsa karo pamréntahané Gusti Allah dhéwé.
”Gusti Allah sing nguwasani swarga bakal ngedegké kerajaan sing . . . bakal ngancurké lan ngremuk kabèh kerajaan [liyané]. . . . Mung kerajaan iki sing bakal ana nganti saklawasé.”—Danièl 2:44.
Kerajaané Gusti Allah bakal nggawé kabèh manungsa bersatu, lan nggawé donya iki dadi aman lan damai.
Rajané, Yésus Kristus, disebut ”Pemimpin sing nggawé rukun lan tentrem”. Makané dhèwèké bakal terus ”nggawé [manungsa] rukun lan tentrem”.—Yésaya 9:6, 7.
Saiki rakyat saka Kerajaané Gusti Allah ngupaya dadi wong-wong sing seneng rukun. Sukmbèn, kaya sing disebutké ing Alkitab meréka ”bakal nggawé pedhangé dadi pisau bajak lan tombaké dadi arit”. Terus ”bangsa ora bakal perang nglawan bangsa lan ora bakal ajar perang manèh”.—Yésaya 2:3, 4.
Nèk péngin ngerti luwih akèh, wacanen artikel ”Apa sing Bakal Kelakon Wektu Kerajaané Gusti Allah Mréntah?” lan deloken vidéo Kerajaané Gusti Allah Kuwi Apa?
Topik sing Ana Hubungané
WARTA PENTING
Apa sing Bakal Ditindakké Kratoné Allah?
Yésus ngerti nèk mung Kratoné Allah sing isa ngrampungi kabèh masalahé manungsa. Apa sebabé awaké dhéwé isa percaya kuwi?
KUDU TERUS JAGA-JAGA
Wong-Wong Ora Percaya Manèh karo Pemimpin Politik
Ing Alkitab ana naséhat nèk aja asal percaya karo wong liya, lan ana keterangan sapa sing isa ngatasi kabèh masalah.
KUDU TERUS JAGA-JAGA
Menurut Alkitab, Ngapa Kok Akèh Wong Saiki Ora Isa Rukun?
Ing sak donya, akèh wong ora isa rukun merga béda pilihan politik. Menurut Alkitab, solusiné kudu ana pemimpin sing isa nggawé wong-wong rukun.
WARTA PENTING
Sapa Raja Sing Dipilih Gusti Allah?
TOPIK LIYANÉ
Harapan ing Masa Depan
Ramalané manungsa isa waé salah, tapi nèk ramalan ing Alkitab piyé?
