Para pemimpin sak donya lan organisasi internasional ora isa nggawé keadaan dadi damai. Sakwisé Perang Donya II nganti saiki, malah ana luwih akèh perang. Kira-kira loro milyar wong manggon ing dhaérah sing kena dampak perang.

 Kenapa upayané manungsa nggawé keadaan dadi damai ora tau berhasil? Ana keterangan apa ing Alkitab?

1.  1. Kaya sing disebutké ing Alkitab, wong-wong saiki kuwi ”mung mikirké kepentingané dhéwé, ngutamakké harta, nyombongké dhiri, rumangsa hébat, . . . ora setya, . . . ora gelem rukun, . . . ora isa ngendhalèni dhiri, kejem, . . . ngèyèl, sombong”. (2 Timotius 3:2-4, cathetan ngisor) Makané keadaané ora isa damai.

2.  2. Manungsa utawa organisasi-organisasi ora isa ngrampungké kabèh masalah nèk ora dibantu Yéhuwah a. Kaya sing disebutké ing Alkitab, manungsa ”ora isa ngarahké langkahé”.​—Yérémia 10:23.

3.  3. Donya iki dikuwasani Sétan si Iblis sing jahat banget lan ”nyesatké kabèh penduduk ing bumi”. (Wahyu 12:9) Selama ”donya iki dikuwasani Sétan”, mesthi tetep ana perang lan masalah.​—1 Yohanes 5:19.

 Ing Alkitab disebutké nèk mung Gusti Allah sing isa nggawé keadaan dadi damai.

•   ”Yéhuwah kandha, ’Aku ngerti tenan apa sing péngin Tak tindakké marang kowé. Aku péngin mènèhi kowé kedamaian, dudu bencana, bèn kowé isa nduwé masa depan lan harapan.’”​—Yérémia 29:11.

 Piyé Gusti Allah nggawé janji kuwi kelakon? Ing Alkitab disebutké, ”Gusti Allah sing nggawé kowé ayem bakal ngremuk Sétan.” (Roma 16:20) Mengko ”Kerajaané Gusti Allah” bakal nggawé keadaan ing bumi damai. (Lukas 4:43) Pas Yésus Kristus, Raja Kerajaané Gusti Allah mréntah, dhèwèké bakal mulang wong-wong bèn rukun.​—Yésaya 9:6, 7.

•   Nèk péngin ngerti keterangan luwih akèh, wacanen artikel ”Apa sing Bakal Kelakon Wektu Kerajaané Gusti Allah Mréntah?”