Ora Ana sing Nduwé Rasa Sengit Manèh
Meskipun isa ora sengit manèh karo wong liya, tapi awaké dhéwé tetep ora isa nggawé wong liya ora sengit. Nganti saiki, ana akèh banget sing susah merga disengiti. Lha terus, sapa sing isa ngrampungi kabèh masalah kuwi?
Mung Yéhuwah sing isa nggawé kabèh wong ora sengit manèh. Janjiné kuwi ditulis ing Alkitab.—Wulang Bebasan 20:22.
BÈN ORA ANA RASA SENGIT MANÈH, GUSTI ALLAH BAKAL NGAPA?
-
1. NGUKUM SÉTAN. Sétan kuwi sing marakké wong-wong nduwé rasa sengit. Sétan lan wong-wong sing kaya dhèwèké, maksudé sing sengit karo liyané, bakal dihukum Gusti Allah.—Mazmur 37:38; Roma 16:20.
-
2. NGUKUM WONG SING MARAKKÉ LIYANÉ DADI NDUWÉ RASA SENGIT. Para politikus lan para pemimpin agama marakké akèh wong dadi nduwé rasa sengit. Para pebisnis sing srakah, ora jujur, lan nggolèk keuntungan nganti ngorbanké liyané ya marakké akèh wong dadi nduwé rasa sengit. Kuwi kabèh bakal dihukum Gusti Allah.—2 Pétrus 3:13.
-
3. NGGAWÉ WONG DADI SAMPURNA. Menurut Alkitab, kabèh wong ora sampurna. Akibaté, wong gampang mikir sing èlèk lan nggawé salah. (Roma 5:12) Kuwi sing marakké akèh wong dadi gampang sengit karo liyané. Tapi, Gusti Allah bakal nggawé wong dadi sampurna. Hasilé, ora ana sing nduwé rasa sengit manèh.—Yésaya 54:13.
JANJI ING ALKITAB
-
1. ORA ANA SING DIBÉDAK-BÉDAKKÉ. Kabèh wong ing bumi bakal dipréntah Kerajaané Gusti Allah. Kuwi pamréntahan ing swarga sing bakal ana saklawasé. (Danièl 2:44) Sukmbèn, ora ana sing dibédak-bédakké lan dijahati. Gusti Allah bakal mènèhi keadilan.—Lukas 18:7.
-
2. KABÈH RUKUN. Ora ana manèh sing bakal dadi korban kekerasan utawa perang. (Mazmur 46:9) Kabèh wong ing bumi bakal ngrasa aman merga padha rukun.—Mazmur 72:7.
-
3. KABÈH BAHAGIA SAKLAWASÉ. Kabèh bakal saling menyayangi. (Matius 22:39) Ora ana sing susah utawa kèlingan manèh karo kabèh sing marakké sedhih lan lara ati. (Yésaya 65:17) Wektu kuwi, ora ana rasa sengit manèh. Tapi kabèh bakal ”seneng merga ngrasa ayem banget”.—Mazmur 37:11.
Njenengan mesthi seneng ta nèk sukmbèn ora ana sing sengit karo liyané? Sakjané, saiki ya ana akèh sing ora sengit manèh merga ngetrapké naséhat ing Alkitab, contoné Seksi-Seksi Yéhuwah. (Mazmur 37:8) Meskipun latar belakang lan budayané béda-béda, Seksi-Seksi Yéhuwah sak donya kaya keluarga sing rukun lan saling menyayangi.—Yésaya 2:2-4.
Seksi-Seksi Yéhuwah seneng mbagi saran saka Alkitab soal piyé nèk misalé dijahati utawa dibédak-bédakké. Nèk ngerti soal kuwi, njenengan isa ora sengit manèh meskipun awalé nduwé rasa sengit. Njenengan ya isa ngerti piyé bèn tetep apikan meskipun wong liya jahat utawa sengit karo njenengan. Hasilé, njenengan isa luwih bahagia lan rukun karo wong liya. Sing terutama, njenengan isa ngerti piyé bèn sukmbèn isa dadi rakyaté Kerajaané Gusti Allah. Wektu kuwi ora bakal ana manèh sing nduwé rasa sengit.—Mazmur 37:29.
Topik sing Ana Hubungané
WARTA PENTING
Apa sing Bakal Ditindakké Kratoné Allah?
Yésus ngerti nèk mung Kratoné Allah sing isa ngrampungi kabèh masalahé manungsa. Apa sebabé awaké dhéwé isa percaya kuwi?
PERTANYAAN SING DIJAWAB ING ALKITAB
Pas Ana Masalah, Apa Ana Harapan?
Naséhat ing Alkitab isa bermanfaat bèn awaké dhéwé tetep semangat meskipun ana masalah, terus janji-janjiné isa mbantu bèn awaké dhéwé nduwé harapan ing masa depan.
TOPIK LIYANÉ
Apa Wong sing Ora Adil Bakal Terus Ana?
Menurut Alkitab Gusti Allah nganggep nèk kabèh manungsa kuwi berharga. Dadi, Dhèwèké mesthi bakal adil.
GATÈKNA!
Prasangka—Prasangka Isa Ilang
Patang cara apa sing ditindakké Kratoné Gusti Allah kanggo nyingkirké prasangka?
