Nginjil marang Wong Sinti lan Roma ing Jerman
Puluhan éwu wong Sinti lan Roma manggon ing Jerman. * Durung suwé iki, Seksi-Seksi Yéhuwah nyétak selebaran, buku, lan video ing basa asliné wong Sinti lan Roma yaiku basa Romani. *
Saksuwéné nginjil kusus ing sasi September lan Oktober 2016, Seksi-Seksi Yéhuwah wis mbagèkké kabar apik nganggo basa Romani marang wong Sinti lan Roma ing akèh kutha ing Jerman, klebu kutha Berlin, Bremerhaven, Freiburg, Hamburg, lan Heidelberg. Seksi-Seksi Yéhuwah uga nganakké pakumpulan ibadah nganggo basa Romani ing Balé Ibadah.
Tanggepan sing Apik
Akèh wong Sinti lan Roma sing nanggepi apik acara nginjil kusus mau. Misalé, pasangan sing mèlu nginjil kusus, Andre lan Esther, crita, ”Wong-wong seneng banget merga Seksi-Seksi Yéhuwah wis ngupaya tenan nginjil marang wong Sinti lan Roma.” Akèh sing seneng banget wektu maca lan ngrungokké kabar saka Alkitab ing basa Romani. Ana mbak-mbak sing nonton video Apa Sebabé Perlu Sinau Alkitab? ing basa Romani. Dhèwèké isih ora percaya lan bola-bali kandha, ”Wah, jebulé ana ta nèng basaku?”
Sedulur Matthias sing mèlu nginjil kusus ing Hamburg kandha, ”Aku, bojoku, lan 6 sedulur liyané nginjil ing dhaérah sing dienggoni 400 wong Sinti lan Roma. Saben wong sing tak temoni njaluk wacan.” Sedulur Bettina sing dadi sukarélawan ing Hamburg kandha, ”Ana sing nangis wektu nampa wacan ing basa Romani.” Ana akèh sing langsung maca nganggo swara seru, lan ana sing njaluk wacan luwih akèh merga arep dikèkké kanca-kancané.
Ana wong Sinti lan Roma sing gelem teka ing pakumpulan ibadah. Saka 94 wong sing teka kuwi, akèh sing durung tau teka ing Balé Ibadah. Ing Reilingen, kutha cedhak Heidelberg, sing teka cacahé 123. Sakwisé kuwi, ana wong 5 sing gelem sinau Alkitab.
Saksuwéné nginjil kusus, Seksi-Seksi Yéhuwah isa mbagèkké mèh 3.000 wacan lan selebaran. Seksi-Seksi Yéhuwah isa rembugan bab Alkitab karo luwih saka 360 wong Sinti lan Roma. Ana 19 sing gelem mulai sinau Alkitab. Ana sing kandha, ”Wah, akhiré kabar apik isa tekan wong Sinti lan Roma.”
^ par. 2 Sing disebut Sinti yaiku kelompok masyarakat sing manggon ing Eropa Barat lan Tengah. Lan, sing disebut Roma yaiku kelompok masyarakat sing asalé saka Eropa Timur lan Tenggara.
^ par. 2 Encyclopædia Britannica Online kandha nèk ana ”luwih saka 60 dialèk sing béda-béda” ing basa Romani. Bèn luwih gampang, artikel iki nggunakké tembung ”Romani” kanggo nyebut basa sing digunakké wong Sinti lan Roma sing manggon ing Jerman.
Topik sing Ana Hubungané
GAWÉAN PENERBITAN
Vidhéo ing Atusan Basa
Vidhéo Ana Acara Apa Waé ing Balé Ibadah? ana ing kira-kira 400 basa, lan vidhéo Apa Sebabé Perlu Sinau Alkitab? ing luwih saka 550 basa. Tontonen ing basa panjenengan dhéwé.