ფსალმუნები 110:1—7
დავითის ფსალმუნი. საგალობელი.
110 იეჰოვამ ჩემს უფალს უთხრა:
„იჯექი ჩემ მარჯვნივ,+სანამ შენს მტრებს შენს ფეხსადგამად არ ვაქცევ“.+
2 იეჰოვა განავრცობს შენს ძალაუფლებას* სიონიდან და გეტყვის:
„წადი და იბატონე შენს მტრებს შორის!“+
3 შენი ხალხი მზადყოფნით გამოვა შენი ჯარის გალაშქრების დღეს.
დილის* ნამივით გყავს სიწმინდით მოსილი ახალგაზრდები.
4 იეჰოვამ დაიფიცა და არ გადათქვამს:
„მარადიულად შენ ხარ მღვდელი,+მელქისედეკის მსგავსი!“+
5 იეჰოვა ამოგიდგება მხარში;+ის შემუსრავს მეფეებს თავისი რისხვის დღეს.+
6 განაჩენს აღასრულებს ხალხებზე;+გვამებით აავსებს ქვეყანას;+
შემუსრავს მთელი დედამიწის მთავარს.
7 წყალს დალევს ის* გზისპირა წყაროდან
და კმაყოფილი მაღლა ასწევს თავს.
სქოლიოები
^ სიტყვასიტყვით — „ძლიერების კვერთხს“.
^ სიტყვასიტყვით — „განთიადის საშვილოსნოდან გამოსული“.
^ იგულისხმება 1–ლ მუხლში მოხსენიებული უფალი.
