ხდება მთავარი წყლის მილის გაყვანა ორი ექსკავატორის მეშვეობით. უკანა ფონზე ჩანს ადმინისტრაციული შენობა.

კონტრაქტორები მუშაობენ გარე ფასადზე. პანელის ფერი და ფორმა იდეალურად არის შეხამებული გარემოსთან.

კონტრაქტორები სპეციალური დანადგარებით ასწორებენ და აპრიალებენ ბეტონის იატაკს.

ჩრდილო-აღმოსავლეთის ხედი ზემოდან. მიმდინარეობს გაწმენდითი სამუშაოები და მთავარი მიმღების წინ ავტოსადგომის მოწყობა. მიმღების შენობა რკინის კონსტრუქციით უკავშირდება ორ ადმინისტრაციულ შენობას, რომელთაგანაც მარცხენა უკვე დასრულებულია. უკანა ფონზე ჩანს აუდიო-ვიდეო მომსახურების შენობა ჩრდილოეთით და აუდიო-ვიდეო მომსახურების შენობა სამხრეთით.

საცხოვრებელ შენობა A-სთან ახლოს ტოპოგრაფი ამოწმებს და იწერს მიწის სამუშაოებს. ვინაიდან მიწის სამუშაოები და გამწვანება სამშენებლო პროექტის დასაწყისში განხორციელდა, ნარგავები უკვე გაზრდილი იქნება პროექტის დასრულებისას.

მღებავები ავტოსადგომის იატაკს თეთრი ფისით ფარავენ. ერთ მათგანს აცვია შიპებიანი ფეხსაცმელი, რომელიც კვალს არ ტოვებს შეღებილ ზედაპირზე. ფისიანი ზედაპირი გამძლეა და მასზე არ რჩება ზეთის ლაქები. ასეთი ზედაპირი იდეალურია ავტოსადგომისთვის.

სანტექნიკოსები ზომავენ და ჭრიან ჯაჭვებს, რომლებზეც დაჰკიდებენ გათბობისა და განათების პანელებს საკმაოდ დიდი სივრცის გასათბობად.

მოხალისეები ღებავენ ადმინისტრაციული შენობის შიდა კედლებს. ყველა ოფისის ჭერზე დამონტაჟებულია გათბობის, ვენტილაციისა და ჰაერის კონდიცირების სისტემები, რომლებიც შავი პოლიეთილენის პარკებითაა შეფუთული დაცვის მიზნით.

მოხალისეები ამონტაჟებენ ფოლადის კონსტრუქციას მისაღებში, რეგისტრატორის სამუშაო ადგილის ზემოთ.

კონტრაქტორები იყენებენ ობობა ამწეს, რათა დაამონტაჟონ მინის პანელები სასადილო ოთახისა და საკონფერენციო დარბაზის გარეთ.

ელექტრიკოსები როზეტების ბუდეებს ამაგრებენ კაბელების ბოლოებზე. ადმინისტრაციული შენობის ოთხივე სართულზე, იატაკის ქვეშ დაახლოებით 50-კილომეტრიანი სადენი გადის. კაბელების ჩამაგრება იატაკის ქვეშ საშუალებას იძლევა მომავალში მინიმალური ძალისხმევისა და ზარალის გარეშე შესრულდეს სარემონტო სამუშაოები.

საგანგებო სიტუაციების ბრიგადა ამოწმებს ხარაჩოდან გადმოვარდნის შემთხვევაში რამდენად კარგად მუშაობს უსაფრთხოების ღვედები.

სამშენებლო ბრიგადის წევრი ასწორებს სავალ გზას, სადაც შემდგომ ფილები დაიგება. სავალი გზის გვერდით ექსკავატორით თხრიან ორმოებს, სადაც მთელ გაყოლებაზე ჩაირგვება რცხილის ხეები.

ზემოდან გადაღებული კადრი. აუდიო-ვიდეო მომსახურების ორივე შენობის სახურავზე, აგრეთვე ადმინისტრაციული შენობის სახურავზე დამონტაჟებულია ფოტოელექტრული პანელები, რომლებიც მზის ენერგიას გარდაქმნის ელექტროენერგია.

სარემონტო სამუშაოებზე მომუშავე ბრიგადის წევრი მესამე სართულის მისაღებში აგებს კირქვის ფილებს. ფილების ქვეშ დაგებული ნარინჯისფერი საფარი ერთმანეთისგან აცალკევებს ფილებს და იატაკის ქვედა ფენას და იცავს ფილებს გატეხვისგან იმ შემთხვევაში, თუ მისი შეცვლა გახდება საჭირო.

მოხალისეები საჭმელს იღებენ და მიირთმევენ შენობაში, რომელიც დროებით სასადილოს ფუნქციას ასრულებს. დროებითი სასადილო ყოველ დღე დაახლოებით ათას კაცს მასპინძლობს, რის გამოც სადილი სამ ცვლად მიმდინარეობს.

თვითმცლელებით მასალები გადააქვთ ადმინისტრაციული შენობის უკანა მხარეს. მარჯვნივ შენობის მინებზე დამონტაჟებულია ჟალუზები, რათა სასადილო ოთახი და საკონფერენციო დარბაზი დაცული იყოს მზისგან.

სარემონტო სამუშაოებზე მომუშავეები აგებენ ნოხს. მათ ეხმარებიან „დღის მოხალისეების პროგრამაში“ ჩართული და-ძმები. ეს პროგრამა ითვალისწინებდა სამშენებლო პროექტზე მთელი ბრიტანეთისა და ირლანდის კრებებიდან მოხალისეების მოწვევას ერთი დღით. თებერვლის ბოლოსთვის 5 500-ზე მეტ და-ძმას მიეცა ამ პროექტში მონაწილეობის მიღების შესაძლებლობა.

შენობის ქვედა სართულის შუა ნაწილში კონტრაქტორები აშენებენ გამყოფ კედელს. უსაფრთხოების მიზნით იატაკზე დალაგებული პატარა, ნარინჯისფერი სვეტებით შემოსაზღვრულია ადგილი, რომლის იქითაც მაკრატელა ამწეები არ უნდა გადავიდნენ.

მოხალისეები ასუფთავებენ მიმღებს, პარალელურად სრულდება იატაკის ქვეშ სამონტაჟო სამუშაოები.