Wenyi hkum re ai Satan Nat gaw, n mu lu ai shara re ai wenyi hkum ni nga ai shara hta nga ai. Raitim, dai shara gaw makau na sumla hta madun da ai zawn n hkru ai masha ni hpe zingri ai ngarai zawn re ai shara gaw n re.

“Sumsing lamu kata e majan gasat”

 Shawng nnan hta Satan Nat gaw, sumsing lamu hta kam ai hku hkawm sa lu wa ai. Sadi dung ai lamu kasa ni hte arau Karai Kasang a man hta pyi du wa ai. (Yoba 1:6) Raitim, ‘sumsing lamu kata hta majan’ byin nna, Satan hpe lamu kaw na ga ntsa de jahkrat kau na ngu Chyum Laika hta tau hkrau tsun da ai. (Shingran 12:7-9) Chyum Laika hta lawm ai shaning ladaw ni hte mungkan a mabyin masa ni hpe yu yang, sumsing lamu hta teng sha majan gasat wa ai hpe chye lu ai. Ya nga yang, Satan Nat gaw ginding aga grup-yin hta sha hkawm sa mai sai.

 Satan Nat gaw ginding aga a shara mi hta laksan hku nna nga ai ngu tsun mayu ai kun? Ga shadawn, moi na Pergamu mare hpe Satan a “tingnyang dung nga ai shara” “Satan de nga ai shara” ngu shaga ai. (Shingran 2:13) Teng nga yang dai mare gaw, Satan hpe nawku dawjau ai a madung shara re ngu tsun mayu ai rai na re. Satan Nat gaw, “mungkan ga na mungdan nlang hpe” uphkang nga ai ngu Chyum Laika hta tsun da ai. Dai majaw, Satan Nat gaw myi hte mu lu ai shara ra hta nga nga ai n re ai sha, shi hpe sharen da ai mungkan ga atsa grupyin hta hkawm sa nga ai.—Luka 4:5, 6.