Lawu na gara lam ni gaw na a hkamsha lam hte bung ai kun?
Nye a hkrang nsam hpe galoi mung n ra ai.
Nye a hkrang nsam hpe kalang marang gaw yu ra ai.
Nye a hkrang nsam hpe ayan yu ra ai.
Na a hkum hkrang hta hpa hpe galai shai kau mayu ai kun?
Galu masat
Hkum li masat (Weight)
Hkrang nsam
Kara
Hpraw nsam
N-gun sha hkrang
Kaga langai ngai
Lawu na laika yan ni hpe ngut hkra ka u.
Nye hkum hkrang hte seng nna kachyi mi pyi n ra ai aten gaw. . .
Hkum hpe shen yu ai shaloi.
Pat yu ai shaloi.
Nye hkum ngai kaga ni hte shingdaw yu ai shaloi (manang, fashion model ni, sumla hkrung shayi shadang ni).
Lawu na laika yan ni hpe ngut hkra ka u.
Shani shagu
Bat shagu
Kalang marang
Nye hkum hpe shen yu ai.
Lawu na gara lam ni gaw na a hkamsha lam hte bung ai kun?
Nye a hkrang nsam hpe ngai n ra ai. (Ga shadawn: “Pat yu shagu nye hkum ngai grai hpum nna, n tsawm dik ai ngu hkamsha ai. Dai majaw lasi wa hkra lusha gam ai.”—Sarina.)
Hkrang nsam hte seng nna rap rap ra ra mu mada ai. (Ga shadawn: “Anhte a hkum hkrang hta anhte n ra ai langai ngai gaw, galoi mung nga na sha re. Dai hpe hkap la na matu sha ra ai. Anhte n galai shai lu ai lam a matu myitru nga na nga yang, bawnu n rawng ai hte bung ai.”—Nataya.)
Chyum Laika hta “kadai mung tinang hkum hpe shadawn sharam ai hta nau wa n rai dum” na matu tsun da ai. (Roma 12:3) Tinang hkum tinang rap ra ai hku mu mada ra ai. Dai majaw, san san seng seng nga ai re.
Na a hkrang nsam hte seng nna chyahkring hkring myit daw nga ai nga yang gaw gara hku kun? Dai lam hte seng nna ladu lai myit nga ai majaw rai na re. Dai hku byin nga ai rai yang, ndai lam ni hpe nang chye mayu na re.
Nye a hkrang nsam hpe ngai hpa majaw n ra ai kun?
Lam amyu myu a majaw rai na re. Dai hta ndai lam ni mung lawm ai:
Media ni a shingkang ka-up ai lam. “Ayan lasi tsawm nga ra ai ngu sawn la mat shangun ai sumla ni hpe ramma ni aten tup mu taw ai. Dai majaw, tinang gaw dai zawn n byin nga yang, myit daw wa ai.”—Keli.
Kanu kawa ni a shingkang ka-up ai lam. “Hkrang nsam hte seng nna Kanu gaw ladu lai myit yang, shi kasha numsha mung dai zawn myit wa ai. Kawa hte kasha lasha mung, dai zawn byin chye ai.”—Rita.
Tinang hkum tinang kam ai myit n nga ai. “Tinang a hkrang nsam hpe ladu lai myit ai ni gaw, tinang a hkrang nsam hte seng nna kaga ni hpe chyahkring hkring san chye ma ai. Dai gaw kaga ni hpe myit ba shangun ai.”—Zayan.
Hpa mi raitim, lawu na ga san ni hpe nang san mai ai . . .
‘Nye a hkrang nsam hpe galai kau ra na kun?’
Ramma nkau tsun ai ga ni hpe myit yu u.
“Hkum hkrang hta nga ai tinang n ra ai lam ni hpe, ayan na gaw galai shai lu na n re. Dai majaw, nang hta ra nga ai lam ni hpe hkap la ai gaw kaja htum re. Rai yang, dai hpe kaga ni mung, nau sadi hkrup sana n re.”—Rori.
“Hkam kaja hkra dang lu ai daram galaw u. Nang hkam kaja yang, hpraw nsam mung yu tsawm wa na re. Na a atsam ningja ni hpe n re ai sha, na a hkrang nsam hpe sha yu ai nga yang, dai wa gaw jet ai manang n re.”—Olibiya.
Madung lam: Nang yu tsawm hkra, dang lu ai daram galaw u. Raitim, kaga lam ni hpe nang myit n tsang ra ai. Na a hkrang nsam hte seng nna ladu lai myit ai gaw shoihpa nga ai. (“Juliya a mabyin” hpe yu u.)
Rap ra ai ningmu gaw, tinang a hkrang nsam hte seng nna jaw ai hku mu chye na matu karum ya lu ai lam ramma numsha Erin chye wa ai. “Ngai gaw nye hkum ngai kam ai myit n nga ai. Nye hkum hta na ngai n ra sharawng ai lam ni hpe sha myit taw ai majaw, myit n pyaw wa ai hpe sadi hkrup ai. Ya gaw hkum hkrang shamu shamawt lam hpe ngai ayan galaw nna, sha mung atsawm sha ai. Dai hku galaw ai shaloi, masa lam ni kaja wa ai.”
Grau kaja hkra galaw mai ai!
Na a hkrang nsam hte seng nna rap ra ai ningmu nga yang, grau myit pyaw nna yu tsawm wa na re. Chyum Laika gaw anhte hpe karum ya lu ai. Chyum Laika hta lawu na lam ni hpe shalat na matu n-gun jaw da ai:
Myit dik ai lam. “Dai mung kaman lila rai nga ai; dai gaw nbung hpe shachyut ai zawn rai nga ai. Nang lu ai hta myit dik lu ai gaw arai lama ma hpe tut e ra marit nga ai hta grau kaja nga ai”—Hpaji 6:9, JCLB.
Hkum hkrang shamu shamawt ai hte seng nna rap ra ai ningmu. “Hkum hkrang hte seng nna sha shaman shakyang ai lam gaw akyu loi sha mi nga ai.”—1 Timohti 4:8, JCLB.
Kraw nsam tsawm ai lam. “Masha gaw ahpraw asam sha yu chye ma ai, Yehowa chyawm gaw myit masin she yu ai.”—1 Samuela 16:7.
“Anhte a myiman nsam hta anhte gara hku hkamsha nga ai lam dan dawng ai. Tinang gaw hkrang nsam hte seng nna myit dik chye ai wa rai yang, kaga ni gaw dai hpe sadi hkrup nna hkau mayu wa na re.”—Sara.
“Tsawm ai ni hpe kaga ni alawan sadi hkrup ai. Raitim, masha law malawng myit dum nga chye ai lam gaw, myit masin hte kaja ai atsam ningja ni hpe she re.”—Hpiliya.
Ga Shagawp 11:22; Kolose 3:10, 12; 1 Petru 3:3, 4 ni hpe mung yu u.
