DAW 01
Chyum Laika Gaw Nang Hpe Gara Hku Karum Ya Lu Ai Kun?
Anhte law malawng gaw, prat hte seng ai lam, yakhkak jamjau ai lam, si hkrung si htan hte htawm hpang hte seng ai lam ni hpe chye mayu ga ai. Ra kadawn ai lam ni hpe gara hku madi shadaw na, dinghku ngwi pyaw hkra gara hku galaw na hte seng nna mung myit tsang nga ai. Masha law law gaw, prat hte seng ai ahkyak ai ga san ni a mahtai hpe Chyum Laika kaw na lu la ai sha n-ga, shani shagu na hkawm sa lam a matu tatut hpaji jaw ga ni hpe mung lu la nga ai. Chyum Laika gaw masha yawng hpe akyu jaw lu ai kun?
1. Chyum Laika kaw na mahtai lu la mai ai ga san nkau gaw hpa ni rai kun?
Chyum Laika gaw ndai zawn ahkyak ai ga san ni a mahtai hpe jaw ya lu ai: Asak gara hku byin hpang wa ai kun? Prat a yaw shada lam gaw hpa rai kun? Masha ni hpa majaw yakhkak jamjau hkrum nga ai kun? Masha si mat yang hpa byin mat ai kun? Masha yawng gaw simsa ai lam hpe ra sharawng tim, hpa majaw majan ni byin nga ai kun? Htawm hpang hta mungkan gaw hpa byin mat na kun? Dai zawn ga san ni a mahtai hpe tam na matu Chyum Laika hta n-gun jaw da ai. Wan hku law ai masha ni gaw myit dik lam lu shangun ai mahtai ni hpe mu tam ma ai.
2. Chyum Laika gaw anhte a prat hkrun lam hta ngwi pyaw lu na matu gara hku karum ya lu ai kun?
Chyum Laika gaw kaja ai hpaji jaw ga ni hpe jaw ya lu ai. Ga shadawn, kun dinghku ngwi pyaw lu na matu, myitru myit tsang lam ni hpe hparan lu na matu, bungli hta pyaw na matu hpaji jaw ya ai. Dai lam ni hte seng nna Chyum Laika sharin ya ai hpe nang chye wa na re. Ndai laika buk hpe rau hkaja yang grau chye wa na re. “Chyum Laika hta lawm ai lam yawng gaw, . . . akyu rawng nga ai” hpe nang myit hkrum wa na re.—2 Timohti 3:16, NW.
Ndai laika buk gaw Chyum Laika a malai n re. Chyum Laika hpe tinang hkum tinang sawn dinglik chye na matu n-gun jaw ai. Ndai daw ni hta lawm ai Chyum daw ni hpe hti na matu, nang sharin la lu ai lam ni hte shingdaw na matu anhte n-gun jaw ai.
Kahtap Hkaja
Chyum Laika gaw anhte hpe gara hku karum ya lu ai, Chyum Laika hti ai shaloi gara hku ngwi pyaw lu ai, Chyum Laika hpe grau chye na hkra karum ya ai hpe hkap la ai gaw hpa majaw kaja ai hpe sawk sagawn yu ga.
3. Chyum Laika gaw lam matsun ya lu
Chyum Laika gaw grai htoi ai dat wan hte bung ai. Kaja ai dawdan lam ni jahkrat lu hkra, htawm hpang hte seng ai lam ni hpe chye wa lu hkra karum ya lu ai.
Shakawn 119:105 hpe hti nna, ndai ga san ni hpe bawngban u:
-
Shakawn kungdawn sara gaw Chyum Laika hpe gara hku mu mada ai kun?
-
Nang mung Chyum Laika hpe gara hku mu mada ai kun?
4. Chyum Laika gaw anhte a ga san ni hpe mahtai jaw ya lu
Ya yu na video hta, num langai gaw shaning law law chye mayu wa ai ga san ni a mahtai hpe Chyum Laika kaw na mu tam wa ai. VIDEO hpe hpaw, dai hpang ndai ga san ni hpe bawngban u.
-
Video hta lawm ai num gaw gara ga san ni hpe san mayu ai kun?
-
Chyum Laika hpe hkaja ai gaw shi hpe gara hku karum ya ai kun?
Ga san san na matu Chyum Laika hta n-gun jaw da ai. Mahte 7:7 hpe hti nna, ndai ga san hpe bawngban u:
-
Chyum Laika kaw na mahtai lu na matu nang gara ga san ni san mayu ai kun?
5. Chyum Laika hti ai gaw ngwi pyaw lam lu shangun
Masha law law gaw Chyum Laika hti ai majaw ngwi pyaw lam hte akyu ni lu la nga ai. VIDEO hpe hpaw, dai hpang ndai ga san ni hpe bawngban u.
-
Video hta lawm ai ramma ni gaw Chyum Laika hti ai hte seng nna gara hku hkamsha ai kun?
-
Chyum Laika hti ai hpe shanhte hpa majaw myit lawm wa ai kun?
Chyum Laika lam matsun ni gaw shalan shabran lam hte myit mada lam jaw ya lu ai ngu nna tsun da ai. Roma 15:4 hpe hti nna, ndai ga san hpe bawngban u:
-
Shalan shabran lam hte myit mada lam jaw ai Chyum Laika ga sadi hpe nang myit lawm ai kun?
6. Chyum Laika hpe chye na na matu kaga ni gaw karum ya lu
Chyum Laika hpe tinang hkrai hti ai sha n-ga, kaga ni hte rau bawngban ai majaw masha law law akyu lu la nga ai. Kasa 8:26-31 hpe hti nna, ndai ga san hpe bawngban u:
-
Chyum Laika hpe gara hku chye na lu na kun?—Daw kaji 30 hte 31 hpe yu u.
Ehtiopi masha gaw Chyum Laika hpe chye na na matu karum shingtau lam ra wa ai. Dai ni aten na masha law law mung Chyum Laika hpe kaga ni hte rau hkaja ai majaw karum shingtau lam lu la nga
Nkau Mi Tsun Ai: “Chyum Laika hkaja ai gaw aten majoi shama nga ai re.”
-
Nang gaw gara hku kun? Hpa majaw kun?
Kadun Dawk
Chyum Laika gaw prat hkrun lam hte seng ai hpaji jaw ga, ahkyak ai ga san ni a mahtai, shalan shabran lam hte myit mada lam jaw ya lu ai.
Bai Maram
-
Chyum Laika kaw na gara hpaji jaw ga ni hpe mu tam lu na kun?
-
Chyum Laika kaw na mahtai jaw ya lu ai ga san nkau gaw hpa ni rai kun?
-
Chyum Laika kaw na hpa hpe sharin la mayu ai kun?
Sawk Sagawn
Chyum Laika hpaji jaw ga ni gaw dai ni aten hta gara hku tatut akyu lu shangun ai hpe myit yu u.
“Chyum Laika Gaw Aten Shagu Akyu Rawng” (Sin Langchyi No. 1 2018)
Ma prat ten na yakhkak ai hkamsha lam hpe tawt lai lu hkra, la langai hpe Chyum Laika gaw gara hku karum ya wa ai hpe yu yu u.
Kun dinghku a matu tatut re ai Chyum Laika hpaji jaw ga ni hpe sumru yu u.
“Kun Dinghku Hpe Awng Dang Hkra Karum Ya Na Lam 12” (Dum Hprang! No. 2 2018)
Mungkan hpe uphkang nga ai wa hte seng nna masha law law chye na shut ai lam hpe Chyum Laika gara hku sharai ya ai hpe hkaja yu u.
You May Also Like
SAN CHYE AI GA SAN NI
Yehowa Sakse Ni Saw Shaga Ai Chyum Laika Hkaja Lamang Ngu Ai Gaw Hpa Rai Kun?
Manu jahpu n jaw ra ai Chyum Laika hkaja ai lamang hpe Yehowa Sakse ni saw shaga ai shaloi, gara Chyum Laika hpe raitim, nang mai lang ai. Na nta masha ni, manang ni, kadai hpe raitim, saw shaga mai ai.
