Nre. Nta langai hpang langai, hkaw tsun nga tim, dai hku galaw ai majaw, hkye hkrang la hkrum na re ngu, anhte n sawn la ga ai. (Ehpesu 2:8) Hpa majaw kun?

 Ndai ga shadawn hpe yu yu ga. Myit grai kaja ai masha langai gaw, shi tsun ai nhtoi hte shara hta du nga ai ni yawng hpe, manu dan kumhpa langai jaw na ngu, ga sadi jaw da ai. Shi tsun ai hpe teng sha kam ai nga yang, tsun ai hte maren, nang galaw na kun? Galaw na re. Dai hta n-ga ndai lam hpe na a jinghku ni, nta masha ni hpe mung tsun dan na re. Rai yang she, shanhte mung dai kumhpa hpe lu na. Shi tsun ai hpe, hkan galaw ai majaw, dai kumhpa lu ai n re. Shi nang hpe jaw mayu ai majaw she, dai kumhpa hpe nang lu ai re.

 Dai zawn sha, Karai Kasang a ga madat ai ni yawng, htani htana asak lu na ngu ai, shi a ga sadi hpe Yehowa Sakse Ni kam sham ma ai. (Roma 6:23) Kaga masha ni hpe mung, anhte a makam masham lam shakut nna tsun dan nga ai. Yaw shada lam gaw, shanhte hpe mung Karai Kasang a ga sadi ni kaw na akyu lu shangun mayu ai majaw re. Raitim, hkaw tsun bungli hta shang lawm ai majaw, anhte hkye hkrang la hkrum na ngu n hkam la ai. (Roma 1:17; 3:28) Kaja wa nga yang, Karai Kasang kaw nna, htani htana asak lu na matu, kadai mung n lu galaw ai. “Hkye hkrang la hkrum ai gaw anhte nan shachyen ai mai kaja ai dinghpring ai magan bungli lama ma a majaw nrai, shi nan a matsan dum ai chyeju a majaw rai nga ai.”​—Titu 3:5, Kabu Gara Shiga Chyum Laika.