Хэт мы дунейр зи ІэмыщІэ илъыр?
Мы дунейр зи ІэмыщІэ илъыр...
-
Алыхьыра?
-
цІыхухэра?
-
нэгъуэщІ зыгуэр?
ТХЫГЪЭ ЛЪАПІЭМ ЖИІЭР
«Дуней псори шейтІаным и ІэмыщІэ зэрилъри дощІэ» (1 Иуан 5:19, ЩІэдзапІэмрэ ХъыбарыфІымрэ, 2011).
«[Хьисэ бегъымбарыр] мы дунейм къыщІэкІуар шейтІаным и Іуэхухэр игъэкІуэдыну арщ» (1 Иуан 3:8).
АБЫ УИ СЭБЭПУ ХЭЛЪЫР
Дунейм гугъуехь куэд щІытетыр къыбгурегъаІуэ (Апокалипсис 12:12).
Дунейр нэхъыфІ зэрыхъужынымкІэ гугъапІэ быдэ къует (1 Иуан 2:17).
ТХЫГЪЭ ЛЪАПІЭМ ЖИІЭР ДИ ФІЭЩ ТЩІЫ ХЪУНУ?
Хъунущ, абы щхьэусыгъуэ куэд иІэщ. Псалъэм папщІэ:
-
ШейтІаным и тепщэныгъэм кІэ къыхуэкІуэнущ. Иеговэ мурад быдэ иІэщ ШейтІаныр цІыхухэм я тепщэу зэрыщытым кІэ иритыну. Абы дыкъегъэгугъэ «шейтІан[ыр]... игъэкІуэдын[у]» икІи абы и тепщэныгъэм кърикІуа псори игъэзэкІуэжыну (Еврейхэм 2:14).
-
Алыхьым хихащ Хьисэ мы дунейм и унафэщІу. Хьисэ зыкІи ещхькъым мы дунейм и тепщэ лейзехьэ щхьэхуещэ ШейтІаным. Алыхьым Хьисэ теухуауэ жиІащ: «Уи тепщэныгъэшхуэм и башыр захуагъэр аращ. Пэжыгъэр фІыуэ уолъагъур, бзаджагъэри плъагъу хъуркъым» (Еврейхэм 1:8, 9, ХъыбарыфІыр, 1993).
-
Алыхьым зэи укъигъэпцІэнукъым. Тхыгъэ ЛъапІэр Алыхьым «пэжыгъэ зиІэ ТхьэкІэ» йоджэ (Тит 1:2). Иеговэ зыгуэркІэ дыкъыщигъэгугъэм деж, ар игъэзэщІауэ плъытэ хъунущ (Исаия 55:10, 11). «Мы дунейм и тепщэр тридзынущ» (Иуан 12:31, ЩІэдзапІэмрэ ХъыбарыфІымрэ, 2011).
ЕГУПСЫСЫТ
Мы дунейр сыт хуэдэ хъуну, абы и тепщэр традза нэужь?
Тхыгъэ ЛъапІэм абы и жэуапыр итщ 2 ПЕТР 3:13; АПОКАЛИПСИС 21:3, 4.
Иджыри уигу ирихьыфынур
ESSENTIAL BIBLE TEACHINGS
Алыхьым гугъуехьхэр щІыщигъэІэр сыт?
ЦІыху куэдыр мыпхуэдэ упщІэм егъэгузавэ: «Апхуэдиз гуауэрэ гузэвэгъуэрэ щІыщыІэр сыт?» Библием мы упщІэм жэуап нэгъэса ирет.
ДЭ ТТЕУХУАУЭ
Библиер щІэджын хуейр сыт?
Дуней псом цІыху мелуан куэдым Библиер сэбэп яхуохъу мыхьэнэшхуэ зиІэ упщІэхэм я жэуапыр къагъуэтыну. Ухуейт уэри ар сэбэп къыпхуэхъуну?
