Efɛɛzɩ mba 2:1-22
2 Pɩtasɩ lɛ, Ɛsɔ yeba nɛ ɩɖaɣnɩ wɛʋ wezuu, ŋgʋ ɩɩsɩbɩ mɩ-kɩdɛkɛdɩm nɛ mɩ-kɩwɛɛkɩm pa-taa,+
2 mbʋ pɩ-taa ɩcakaɣ wezuu ɖooo lɛ ɛzɩ ɛjaɖɛ ɖɩnɛ ɖɩcakʋʋ wezuu yɔ,*+ ɛzɩ helim mbʋ piɖiyiɣ ɛyaa yɔ pɩ-ñʋʋdʋ pɔzʋʋ yɔ,+ fezuu+ ŋgʋ kɩlakɩ tʋmɩyɛ lɛɛlɛɛyɔ kaañamtʋ pɩyalaa taa yɔ.
3 Ɛɛɛ, ɖooo lɛ, ɖa-tɩŋa ɖɩɩwɛ pa-taa nɛ ɖɩɖɔŋ ɛzɩ ɖo-tomnaɣ sɔɔlɩm pɔzʋʋ yɔ,+ nɛ ɖɩlakɩ tomnaɣ nɛ ɖa-maɣzɩm pɔ-sɔɔlɩm;+ nɛ palʋlɩ-ɖʋ lɛ, ɖɩɩkɛ pana piya+ ɛzɩ lalaa yɔ.
4 Ɛlɛ, Ɛsɔ pʋtɔdɩyɛ naʋ paɣlaa;+ nɛ sɔɔlɩm sɔsɔm mbʋ ɛsɔɔlɩnɩ-ɖʋ yɔ pʋyɔɔ lɛ,+
5 eyeba nɛ ɖɩɖaɣnɩ wɛʋ wezuu, ɖa nɛ Krɩstʋ, halɩ pɩkpɛndɩnɩ alɩwaatʋ ndʋ ɖɩɩsɩbɩ ɖa-kɩdɛkɛdɩm taa yɔ;+ patɩŋnɩ lootiye yɔɔ nɛ paya mɩ-ñʋʋ.
6 Pɩtasɩ lɛ, efezi ɖa nɛ Krɩstʋ Yesu nɛ ɛcaɣzɩ ɖa nɛ ɩ ɛsɔdaa ɖa nɛ ɩ ɖɔ-nɔɔ kʋɖʋmaɣ labʋ taa,+
7 se pɩsa nɛ ɛjaɖɛ* nɖɩ ɖɩkɔŋ yɔ ɖɩ-taa, ɛpɩzɩ nɛ ɛwɩlɩ e-lootiye sɔsɔɖɛ nɖɩ ɖɩ-wayɩ fɛyɩ yɔ kʋjɔʋ ŋgʋ ɛlabɩ-ɖʋ yɔ kɩ-taa, ɖa nɛ Krɩstʋ Yesu ɖɔ-nɔɔ kʋɖʋmaɣ labʋ taa.
8 Pɩtɩŋnɩ lootiye nɖɩ ɖɩ-yɔɔ lɛ, payabɩ mɩ-ñʋʋ tisuu yɔɔ,+ nɛ pɩtɩkɛ mɩ-maɣmaɣ mɩ-lakasɩ yɔɔ; ɛlɛ Ɛsɔ kʋjɔʋ yɔɔ.
9 Aayɩ, pɩtɩlɩɩnɩ tʋma cɔlɔ,+ se pɩsa nɛ nɔɔyʋ ɛtaawɛɛnɩ mbʋ pɩ-yɔɔ ɛkʋndɩ yɔ.
10 Ðɩkɛ Ɛsɔ nesi tɛɛ tʋmɩyɛ, nɛ ɛlɩzɩ-ɖʋ+ ɖa nɛ Krɩstʋ Yesu ɖɔ-nɔɔ kʋɖʋmaɣ labʋ taa+ se ɖɩla tʋma kɩbana, wena Ɛsɔ ɖʋ ɖooo lɔŋ se ɖɩlabɩ-yɛ yɔ.
11 Pʋyɔɔ lɛ, ɩtɔzɩ se ɖooo lɛ, mba ɛyʋ nesi pɛlɩ-wɛ nɛ payaɣ-wɛ se «pɛpɛlɩmwaa» yɔ, payaɣaɣ mɩ mba ɩɩkɛ ajɛɛ taa mba yɔ se «kɩdɩbɛlɩŋ.»
12 Alɩwaatʋ ndʋ tɩ-taa lɛ, ɩtaatɩlɩ Krɩstʋ, iiposini Izrayɛɛlɩ ɛjaɖɛ, ɩtaawɛɛ Ɛsɔ tamaɣ agbaa taa;+ ɛjaɖɛ yɔɔ lɛ, ɩtaawɛɛnɩ lidaʋ nɛ ɩtaatɩlɩ Ɛsɔ.+
13 Ɛlɛ lɛɛlɛɛyɔ, mɩ nɛ Krɩstʋ Yesu mɩ-nɔɔ kʋɖʋmaɣ labʋ taa lɛ, mɩ mba ɖooo lɛ ɩɩwɛ poliŋ yɔ, ɩtɩŋnɩ Krɩstʋ calɩm yɔɔ nɛ ɩñɔtɩ mɩ-tɩ.
14 Mbʋ pʋyɔɔ yɔ ɛkɛ ɖa-laŋhɛzɩyɛ,+ ɛnʋ weyi ɛlaba nɛ tindima ana a-naalɛ apɩsɩ tindimiye kʋɖʋmɖɩyɛ+ nɛ ɛyɔkɩ hɛkʋ taa koloŋa ŋga kaatayɩ a-hɛkʋ taa yɔ.+
15 Ɛtɩŋnɩ e-tomnaɣ yɔɔ nɛ ɛɖɩzɩ koyindiye, pʋ-tɔbʋʋ se tɔm ndʋ pama Paɣtʋ taa nɛ tɩwɩlɩɣ mbʋ pɩwɛɛ se pala yɔ, se pɩsa nɛ ɛla nɛ tindima 2 wena a nɛ ɩ pɛwɛ nɔɔ kʋɖʋmaɣ yɔ, apɩsɩ ɛyʋ kɩfalʋ kʋɖʋm,+ nɛ ɛla nɛ laŋhɛzɩyɛ wɛɛ,
16 nɛ eceɣ samasɩ nzɩ sɩ-naalɛ kiya nɛ sɩpɩsɩ tomnaɣ kʋɖʋmaɣ Ɛsɔ yɔɔ pɩtɩŋnɩ nazɩm sizika* yɔɔ,+ mbʋ pʋyɔɔ yɔ ɛɛtɩŋnɩ ɛ-maɣmaɣ ɛ-yɔɔ nɛ ɛkʋ koyindiye+.
17 Nɛ ɛkɔɔ nɛ esusi laŋhɛzɩyɛ tɔm kɩbandʋ mɩ mba ɩɩwɛ poliŋ yɔ, nɛ esusi laŋhɛzɩyɛ mba pɛwɛ pɩ-cɔlɔ yɔ;
18 mbʋ pʋyɔɔ yɔ pɩtɩŋnɩ ɛ-yɔɔ lɛ, ɖa, samasɩ nzɩ sɩ-naalɛ ɖɩpɩzɩɣ nɛ ɖɩtɩŋnɩ fezuu kʋɖʋmʋʋ yɔɔ nɛ ɖɩñɔtɩnɩ Caa faaa.
19 Pʋyɔɔ lɛ, ɩtɩtasɩ kɛʋ agɔma nɛ agbaaɣdaa mba,+ ɛlɛ mɩ nɛ ɛyaa kiɖeɖema ɩkɛ tɛtʋ kʋɖʋmtʋ taa piya+ nɛ Ɛsɔ ɖɩɣa taa mba,+
20 nɛ pama-mɩ apostoloowaa nɛ nayaa+ pe-tigiɖe yɔɔ, nɛ Krɩstʋ Yesu maɣmaɣ kɛnɩ kɔna taa tigiɖe pɩyɛ.+
21 Kuduyuu hɔɔlɩŋ tɩŋa kpɛndɩ camɩyɛ kɩ nɛ ɩ pɔ-nɔɔ kʋɖʋmaɣ labʋ taa,+ nɛ kɩwɛɛ nɛ kɩpaɣlɩɣ nɛ kɩpɩsɩɣ Yehowa* templo kiɖeɖeu.+
22 Mɩ ɖɔɖɔ, mɩ nɛ ɩ mɩ-nɔɔ kʋɖʋmaɣ labʋ taa lɛ, pɛkpɛndɩ mɩ nɛ lalaa nɛ pamaɣ-mɩ se ɩpɩsɩ lone naɖɩyɛ, nɖɩ ɖɩ-taa Ɛsɔ tɩŋɩɣnɩ fezuu yɔɔ nɛ ɛwɛɣ yɔ.+
Pɩ-tɛɛ tɔm
^ Yaa «ɩɖɔŋaɣ ɖooo lɛ ɛzɩ ɛjaɖɛ ɖɩnɛ ɖɩ-yɔɔ ɖʋtʋ pɔzʋʋ yɔ.» Cɔnɩ Tɔm pee sɔsɔna tɔbʋʋ lɩzʋʋ (Ɛjaɖɛ yɔɔ ɖʋtʋ).
^ Yaa «ɛjaɖɛ yɔɔ ɖʋtʋ; pɩnzɩ.» Cɔnɩ Tɔm pee sɔsɔna tɔbʋʋ lɩzʋʋ (Ɛjaɖɛ yɔɔ ɖʋtʋ).
^ Cɔnɩ Tɔm pee sɔsɔna tɔbʋʋ lɩzʋʋ.
^ Cɔnɩ Tɔm kɩsɔzɩtʋ A5.
