Keɣa 36:1-12
Hendu teyaa ñʋʋdʋ. Yehowa lɩmɖʋyʋ Daviid hendu.
36 Kɩwɛɛkɩm yɔɔdʋʋnɩ kañatʋ tʋ ɖooo ɛ-laŋɩyɛ taa;Ɛsɔ sɔɔndʋ seu fɛyɩ ɛ-ɛsɩndaa.+
2 Mbʋ pʋyɔɔ yɔ epeɣziɣ ɛ-tɩ siŋŋNɛ halɩ eeɖiɣziɣni ɛ-kɩwɛɛkɩm se ɛpaɖɩ-pʋ.+
3 Ɛ-nɔɔ taa tɔm ɖʋʋ ɖɩwɩzɩyɛ nɛ tɩkɛ cɛtɩm tɔm;Ɛfɛyɩnɩ lɛɣtʋ se ɛla mbʋ pɩwɛ ɖeu yɔ.
4 Ɛtaŋ tamasɩ kɩdɛkɛdɩsɩ, halɩ pɩkpɛndɩnɩ ɛ-ñalʋʋ yɔɔ.
Ɛwɛ nʋmɔʋ ŋgʋ kɩfɛyɩ ɖeu yɔ kɩ-taa;Eekiziɣ mbʋ pɩfɛyɩ ɖeu yɔ pɩ-labʋ.
5 Oo Yehowa, ñɔ-sɔɔlɩm siɣsiɣ ñɩmbʋ talɩ ɛsɔdaa,+Ñe-siɣsiɣ wɛtʋ talɩ ɖooo mɩndʋ taa.
6 Ñe-siɣsiɣ wɛtʋ wɛ ɛzɩ pʋŋ sɔsɔŋ yɔ;*+Ñɔ-tɔm hʋʋ wɛ ɛzɩ lɩm sɔsɔm mbʋ pɩwɛ cukaŋ yɔ.+
Oo Yehowa, ŋkandɩyɩɣ ɛyaa nɛ kpɩna yɔɔ.*+
7 Oo Ɛsɔ, ñɔ-sɔɔlɩm siɣsiɣ ñɩmbʋ mʋ ñɩm mbʋ suwe!+
Ñe-keŋ kuzotuu taa ɛyaa pɩyalaa cɔzʋʋ.+
8 Pɔñɔ ña-ɖɩɣa taa ñɩm mbʋ pɩwɛ sakɩyɛ yɔ* nɛ pañɩɣzɩ,+Ŋyeba nɛ pɔñɔɔ ñe-leleŋ weyi ekpeŋ ɛzɩ pɔɔ yɔ.+
9 Ñɔ-cɔlɔ wezuu hiɖe wɛɛ;+Ña-ñalɩmɩyɛ yɔɔ ɖɩnaɣ ñalɩmɩyɛ.+
10 Taayele wɩlʋʋ mba pasɩmɩ-ŋ yɔ ñɔ-sɔɔlɩm siɣsiɣ ñɩmbʋ,+Nɛ ñe-siɣsiɣ wɛtʋ mba pa-laŋa wɛ siɣsiɣ yɔ.+
11 Taayele nɛ weyi ɛkpazɩɣ ɛ-tɩ yɔ ɛfɛyɩ-m,Nɛ taayele nɛ kañatʋ tʋ nesi ɖɔɔnɩ-m.
12 Peeɖe kɩwɛɛkɩm laɖaa tɔlaa;Potuzi-wɛ nɛ pɛpɛɖɩ nɛ paapɩzɩɣ nɛ patasɩ kʋyʋʋ.+
Pɩ-tɛɛ tɔm
^ Piye piye, «ɛzɩ Ɛsɔ pʋŋ yɔ.»
^ Yaa «ŋyakɩ ɛyaa ñʋʋ nɛ kpɩna ñʋʋ.»
^ Piye piye, «taa mbʋ pɩwɛ num yɔ.»
