Keɣa 40:1-17
Hendu teyaa ñʋʋdʋ. Daviid hendu.
40 Manta Yehowa liu siŋŋ,*Nɛ ɛkʋ nɩŋgbaŋʋʋ* nɛ ewelisini-m nɛ ɛnɩɩ kubusi nzɩ mamaba se ɛsɩnɩ-m yɔ.+
2 Ɛlɩzɩ-m pɔʋ ŋgʋ kɩ-taa pɩfalɩɣ yɔ kɩ-taa,Ɛlɩzɩ-m ahɔya lɔɔlɔɔ taa.
Nɛ ɛsɩɩ ma-nɩŋgbanzɩ kaaʋ sɔsɔʋ yɔɔ;Eyeba nɛ ma-nɩŋgbanzɩ wɛɛ ɖenɖe kaɖɛ naɖɩyɛ ɛɛpɩzɩɣ nɛ ɖɩtalɩ-sɩ yɔ.
3 Nɛ ɛɖʋ mɔ-nɔɔ taa hendu kɩfatʋ natʋyʋ,+Ðɛ-Ɛsɔ samtʋ hendu.
Ɛyaa sakɩyɛ kaɣ cɔnʋʋ nɛ sɔɔndʋ kpa-wɛNɛ pataa Yehowa liu.
4 Koboyaɣ tʋ lɛ weyi ɛtaɣ Yehowa liuNɛ ɛɛtaɣ liu ñʋʋ taa ɖoŋ tɩnaa nɛ cɛtɩyaa yɔ.*
5 Oo mɛ-Ɛsɔ Yehowa,Wondu ndʋ ŋlaba yɔ tɩɖɔ siŋŋ,Ñe-piti tʋma nɛ lɩmaɣza wena ŋwɛnɩ ɖɔ-yɔɔ yɔ.+
Paapɩzɩɣ nɛ pakpaɣ nɔɔyʋ nɛ pamaɣzɩnɩ-ŋ;+Ye maañɩnaɣ se mɔyɔɔdɩ a-tɔm yaa mɛnkɛdɩ a-tɔm yɔ,Akɩlɩ ɖɔʋ nɛ maapɩzɩɣ nɛ mɛnkɛdɩ a-tɔm!+
6 Ŋtɩsɔɔlɩ kɩlaʋ nɛ haɖɛ,*+Ɛlɛ ŋkuli ma-nɩŋgbaaŋ se manɩɩ.+
Ŋtɩpɔzɩ kɩlaŋ kɩñaɣzɩŋ nɛ kɩwɛɛkɩm yɔɔ kɩlaŋ.+
7 Ðɩnɛ ɛlɛ mɔyɔɔdɩ se: «Na, mɔnkɔma.
Pama mɔn-tɔm takayaɣ kikpiyaɣ taa.+
8 Oo mɛ-Ɛsɔ, me-leleŋ* lɛ se mala ñɔ-sɔɔlɩm,+Nɛ ña-paɣtʋ wɛ ɖooo man-taa.+
9 Monsusuu siɣsiɣ wɛtʋ tɔm kɩbandʋ samaɣ sɔsɔɔ taa.+
Na! Oo Yehowa, ɛzɩ ŋsɩm camɩyɛ yɔ,Maakpaɣ mo-ndomee.+
10 Maahuuzuu ñe-siɣsiɣ wɛtʋ yɔɔ ma-laŋɩyɛ taa.
Monsusuu se ŋɖɔŋ ñɔ-tɔm yɔɔ nɛ ŋyakɩ ña-samaɣ ñʋʋ.
Maamɛsɩɣ ñɔ-sɔɔlɩm siɣsiɣ ñɩmbʋ nɛ ño-toovenim samaɣ sɔsɔɔ taa.»+
11 Hayɩ Yehowa, taakizi naʋ man-pʋtɔdɩyɛ.
Ñɔ-sɔɔlɩm siɣsiɣ ñɩmbʋ nɛ ño-toovenim ɩkandɩyɩ mɔ-yɔɔ paa ɛzɩmtaa.+
12 Asɛyɩŋ weyi ɩcɔ-m nɛ ɩta yɔ ɩfɛyɩ kalʋʋ.+Man-kɩwɛɛkɩm ɖɔ sakɩyɛ nɛ pihu mɔ-yɔɔ nɛ maapɩzɩɣ se mana ma-nʋmɔʋ;+Pɩɖɔwa nɛ pɩkɩlɩ ma-ñʋʋ taa ñɔsɩ,Nɛ sɔɔndʋ kpaɣ-m.
13 Hayɩ Yehowa, mentendi-ŋ, tisi nɛ ŋya ma-ñʋʋ.+
Hayɩ Yehowa, kɔɔ lɛɛ lɛɛ nɛ ŋsɩnɩ-m.+
14 Mba payɩ pañɩnɩɣ se palɩzɩ me-wezuu* yɔ,Fɛyɛ ɛkpa-wɛ, fɛyɛ ɛkpa-wɛ kʋɖɩɩɩ.
Tɛtɛ nɛ mba panɩɣ leleŋ ma-asɛyʋʋ yɔɔ yɔ,Papɩsɩnɩ wayɩ nɛ fɛyɛ.
15 Tɛtɛ nɛ mba peheyiɣ-m se: «Ahaaŋ! Ahaaŋ!» yɔ,Sɔɔndʋ ɛkpa-wɛ pa-maɣmaɣ pɛ-fɛyɛ yɔɔ.
16 Ɛlɛ mba pañɩnɩɣ-ŋ yɔ,+Pɛmɛyɩ nɛ pɛwɛɛ laŋhʋlʋmɩyɛ taa ñɔ-yɔɔ.+
Mba pɔsɔɔlɩ ña-ñʋʋ yabʋ tʋma yɔ, tɛtɛ nɛ pɔyɔɔdʋʋ paa ɛzɩmtaa se:
«Pasa Yehowa.»+
17 Ɛlɛ mɛnfɛyɩnɩ ɖoŋ nɩɩyɩ nɛ mɛnkɛ kʋñɔndʋ;Tɛtɛ nɛ Yehowa kemni-m.
Ñɛkɛnɩ man-sɩnɩyʋ nɛ mo-holiyu;+Mɛ-Ɛsɔ, taacaɣ wayɩ.+
Pɩ-tɛɛ tɔm
^ Yaa «Maaɖaŋ Yehowa kpam.»
^ Yaa «eluzi ɛ-tɩ.»
^ Yaa «nɛ mba pɛfɛyɩ toovenim yɔ.»
^ Yaa «Ŋŋnɩɣ leleŋ kɩlaʋ nɛ haɖɛ yɔɔ.»
^ Yaa «mbʋ mɔnsɔɔlaa yɔ.»
^ Yaa «man-kalɩzaɣ.»
