Keɣa 44:1-26
Hendu teyaa ñʋʋdʋ. Kora+ pɩyalaa hendu. Masɩkili.*
44 Oo Ɛsɔ, ɖɩnɩnɩ ɖa-maɣmaɣ ɖa-nɩŋgbaaŋ,Ðɔ-cɔzɔnaa kɛdɩ-ɖʋ+Tʋma wena ŋlabɩ pa-alɩwaatʋ taa yɔ,Wena ŋlabɩ ɖooo lɔndaa yɔ.
2 Ŋɖɔɔnɩ ajɛɛ nɛ ñe-nesi+Nɛ ŋcaɣzɩ ɖɔ-cɔzɔnaa a-lona taa.+
Ŋtɔyɩtɩ ajɛɛ nɛ ŋɖɔɔnɩ-yɛ.+
3 Pɩtɩkɛ pa-maɣmaɣ pa-laɣɖɛ yebina nɛ pamʋ ɛjaɖɛ,+Nɛ pɩtɩkɛ pa-maɣmaɣ pe-nesi yebina nɛ pawa.+
Ɛlɛ ñe-nesi kɩbanzɩ nɛ ña-nɩŋgbɛɛŋa+ nɛ ñɛ-ɛsɩndaa ñalɩmɩyɛ yebina nɛ pawa,Mbʋ pʋyɔɔ yɔ pɔ-tɔm kaakɛdɩnɩ-ŋ.+
4 Oo Ɛsɔ, ñɛkɛnɩ me-Wiyaʋ;+Ðʋ paɣtʋ nɛ Yakɔɔb wa caɣ caɣ.*
5 Ño-ɖoŋ taa lɛ, ɖɩkaɣ labʋ nɛ ɖo-koyindinaa pɩsɩnɩ pa-wayɩ;+Ña-hɩɖɛ taa lɛ, ɖɩkaɣ fɛyʋʋ mba pakʋyʋʋ ɖɔ-yɔɔ yɔ.+
6 Mbʋ pʋyɔɔ yɔ maataɣ mɔn-tɔʋ liu,Nɛ ma-laɣɖɛ ɛɛpɩzɩɣ nɛ ɖɩya ma-ñʋʋ.+
7 Ñayabɩnɩ ɖa-ñʋʋ ɖo-koyindinaa nesi tɛɛ,+Ñaɖʋnɩ fɛyɛ mba papaɖɩɣ-ɖʋ yɔ.
8 Ɛsɔ ɖɩkaɣ sam evemiye kpeekpe,Nɛ ɖɩkaɣ ñɔkʋʋ ña-hɩɖɛ tam. (Sɛɛla)
9 Ɛlɛ lɛɛlɛɛyɔ, ŋlɔ-ɖʋ nɛ ŋɖʋ-ɖʋ fɛyɛ,Nɛ ŋŋtɩŋɩɣ ɖɔ-sɔɔjanaa you taa.
10 Ŋwɛɛ nɛ ŋlakɩ nɛ ɖɩpɩsɩɣnɩ wayɩ ɖo-koyindu ɛsɩndaa;+Mba papaɖɩɣ-ɖʋ yɔ, pakpakɩɣ mbʋ payɩ pɔsɔɔlaa yɔ.
11 Ŋɖʋzɩ-ɖʋ ɖo-koyindinaa nesi tɛɛ se pɔtɔɔ-ɖʋ ɛzɩ heŋ yɔ;Ŋmɩzɩ-ɖʋ ajɛɛ taa.+
12 Ŋpɛdɩ ña-samaɣ liidiye nɖɩ ɖɩtɩlɩɩ pʋyʋ paa ññɩɩ yɔ;+Ŋtihiɣ kɛzɛɣa nakɛyɛ pɩ-taa.*
13 Ŋlaba nɛ ɖɩpɩsɩ fɛyɛ pʋyʋ ɖɔ-cɔlɔ mba ɛsɩndaa,Ŋlaba nɛ ɖɩpɩsɩ hoŋa pʋyʋ nɛ mbʋ peniŋ yɔ mba payɩ pɔcɔ-ɖʋ nɛ pata yɔ pɛ-ɛsɩndaa.
14 Ŋlaba nɛ ɖɩpɩsɩ mbʋ peniŋ yɔ* ajɛɛ taa,+Mbʋ piyeki nɛ ɛyaa kpiɣyiɣ pa-ñʋŋ yɔ.
15 Fɛyɛ kpaɣ-m evemiye kpeekpe,Nɛ mɛn-fɛyɛ hu mɔ-yɔɔ,
16 Mbʋ pʋyɔɔ yɔ manɩɣ po-hoŋa taŋ nɛ pa-tʋtʋ,Mbʋ pʋyɔɔ yɔ ɖo-koyindu wɛɛ nɛ ɛkpaɣ-ɖʋ kɩmɩyɛ.
17 Pɩtɩŋa mbʋ yɔ pɩtalɩ-ɖʋ, ɛlɛ ɖɩtɩsɔɔ ñɔ-yɔɔ,Nɛ ɖɩtɩmaanɩ ñɛ-ɛgbɛyɛ ɖʋʋ paɣtʋ yɔɔ.+
18 Ða-laŋɩyɛ tɩlɛɣzɩ nʋmɔʋ;Ða-nɩŋgbanzɩ tɩlɩɩ ña-nʋmɔʋ taa.
19 Ɛlɛ ŋtɔyɩtɩ-ɖʋ tɛyɛ hasɩ ɖɩjaɣyɛ taa;Ŋhuuzi ɖɔ-yɔɔ cɩkpɛndʋʋ sɔsɔʋ.
20 Ye ɖɩsɔ ɖɛ-Ɛsɔ hɩɖɛ yɔɔ,
Yaa ye ɖiposi ɖe-nesi nɛ ɖɩtɩmnɩ agbaaɣdaa ɛsɔ nɔɔyʋ yɔ,
21 Ɛsɔ ɛɛkaɣ ɖiɣzinuu na?
Ɛsɩm laŋɩyɛ taa mɛsaɣ tɛɛ tɔm.+
22 Ñɔ-yɔɔ pakʋʋ-ɖʋ evemiye kpeekpe;Pakpaɣ-ɖʋ ɛzɩ heŋ weyi powokini-i kʋʋ yɔ.+
23 Kʋyɩ. Hayɩ Yehowa, ɛbɛ yɔɔ ŋwɛ ɖom yɔɔ mbʋ?+
Fe! Taalɔ-ɖʋ tam.+
24 Ɛbɛ yɔɔ ŋmɛsɩɣ ñɛ-ɛsɩndaa?
Ɛbɛ yɔɔ ŋsɔʋ kʋñɔŋ nɛ nazɩm mbʋ pɩ-taa ɖɩwɛɛ yɔ pɩ-yɔɔ?
25 Mbʋ pʋyɔɔ yɔ pɔlɔ-ɖʋ* puuyuu taa;Pañɩɣ ɖo-tomnasɩ nɛ tɛtʋ.+
26 Kʋyɩ, ña yɔ ɖa-sɩnɩyʋ!+
Holi-ɖʋ* ñɔ-sɔɔlɩm siɣsiɣ ñɩmbʋ yɔɔ.+
Pɩ-tɛɛ tɔm
^ Cɔnɩ Tɔm pee sɔsɔna tɔbʋʋ lɩzʋʋ.
^ Yaa «nɛ Yakɔɔb hiɣ ñʋʋ yabʋ sɔsɔm.»
^ Yaa «kɛzɛɣa nakɛyɛ liidiye nɖɩ pɛhɛyɩ pɔ-yɔɔ yɔ ɖɩ-taa.»
^ Piye piye, «ɖɩpɩsɩ eduuye.»
^ Yaa «pɔlɔ ɖa-kalɩzasɩ.»
^ Piye piye, «Ya ɖa-ñʋʋ.»
