Tɔm ndʋ ŋkpɛlɩkaa yɔ tɩkɛdɩnɩ-ŋ?
Ŋsɔɔlaa se ŋtasɩ tɩlʋʋ tɔm sakɩyɛ Bibl yɔɔ?
Nɩɩ wezuu leleŋ tam!—Bibl kpɛlɩkʋʋ ɖʋtʋ ndʋ tɩwazɩɣ-ŋ yɔ takayaɣ hɔɔlʋʋ cikpeluu nakʋyʋ ŋkpɛlɩkɩ mbʋ yɔ.
Paakaɣ-ŋ pɛdɩnʋʋ takayaɣ ŋga nɛ ŋŋkaɣ hɛyʋʋ pʋcɔ nɛ ŋkpɛlɩkɩ ka-taa tɔm. Pɩkɛdɩɣnɩ-ɖʋ se ɖa nɛ ŋ ɖɩkpɛlɩkɩ Bibl, lone nɛ alɩwaatʋ ndʋ ŋsɔɔlaa yɔ tɩ-yɔɔ.
Bibl kpɛlɩkʋʋ ɖʋtʋ tʋnɛ tɩ-taa ŋkaɣ kpɛlɩkʋʋ tɔm sakɩyɛ ɛzɩ tʋnɛ yɔ:
Wezuu kaɖʋwa lɛ ŋga?
Ɛbɛ pɩwɛɛ se ŋla nɛ ŋhiɣ laŋhɛzɩyɛ?
Ɛzɩma hɔŋ pɩzɩɣ ɩla nɛ ɩwɛɛ koboyaɣ taa?
Lidaʋ tɔm ndʋ Bibl yɔɔdʋʋ cee wayɩ yɔɔ?
Ye ŋsɔɔlaa se ŋwɛɛnɩ takayaɣ ŋga nɛ ŋwolo Bibl kpɛlɩkʋʋ yɔɔ yɔ, ɖitendi-ŋ, yɔɔdɩnɩ Yehowa Aseɣɖe Tʋ nɔɔyʋ, yaa wolo ɖɛ-tɛ intɛrnɛɛtɩ lone jw.org yɔɔ nɛ ŋpɔzɩ se pɛkpɛlɩkɩnɩ-ŋ Bibl.
Kalɩ ɖɔɖɔ....
TƆM NDƲ ƐYAA PƆZƲƲ ÐOŊ ÐOŊ ÐƆ-YƆƆ YƆ
Ɛbɛ Bibl kpɛlɩkʋʋ kɛnaa?
Ŋpɩzɩɣ ŋlabɩnɩ tʋmɩyɛ paa Bibl ŋgʋ alɩwaatʋ ndʋ ña nɛ Yehowa Aseɣɖe Tɩnaa ɩkpɛlɩkɩɣ Bibl yɔ. Ŋpɩzɩɣ ŋyaa ñɔ-hɔʋ taa mba tɩŋa yaa ña-taabalaa mba ŋsɔɔlaa yɔ se pɔkɔɔ nɛ ña nɛ wɛ ɩkpɛlɩkɩ Bibl.
