Mazwibato a ka lulwama a no tapudzika kwazo. Bagwele ba sina buthu ba no kuwelela dzi ng’anga; batengi ba sina buthu mu dzi restaurant ba no lingila bashingi ba no ba thusa pasi; batathi be dzi aeroplane ba na mazwibato a saka lulwama ba no tuka bashingi be dzi aeroplane; bana ba sina maitseo ba no zwikhata, be tshosidzila ne ku gwisa matichara; kakale mapolotiki angwe a no thama mishingo i sa ka lulwama ngono angwe mapolotiki a no lika ku thama mazwibato a ka ba lulwamila.

 Baibili ndiyo i no thembeka ku lakidza mazwibato a ka lulwama. Kakale i no thalusa kuti ini mazwibato a ka lulwama a sipo mu mahuba a ngwenu.

 Ku tapudzika kwe mazwibato a ka lulwama​—a no amuchigwa​—ko bongwa mu shango dzose.

•   Ku yenda ne Gallup poll ya ka thamiwa kusi ntolo, Maamerica ba ka bona kuti mazwibato a ka lulwama mu United States a be pasi kwazo ngwenu ku pinda zwibaka zose a ti lingilila ku dwa mu makole a li 22 a ka pinda.

•   Mu dzi shakisiso dzingwe dza ka thamiwa bathu ba no pinda 32 000 mu shango dzili 28, 65 percent ya kati bathu ba na mazwibato a ka lulwama ba be bagomanana.

 Baibili ya ka lebela mbeli ne kwe mazwibato a tino bona mu mahuba a ngwenu.

•   “Ko be ne zwibaka zwa ka sima mu mahuba e bopelo. Bathu ba nowobe ne kuzwida ne kuda mari ne ku zwiloba ifuba ne kuzwikudza ne ku tukana ne kusahwa bazwadzi babo, . . . ne kusada bubuya.”​—2 Timoti 3:1-3, Good News Translation.

 Ku ziba kwa ka paphidzika ne kwe ku shingikadziwa kwe boporofiti bala nsholo u noti “Did the Bible Predict the Way People Think and Act Today?”

 Mu shango i na mazwibato a no tapudzika, dzimillion dze bathu dza ka bona kuti Baibili ndiyo i no lakidza mazwibato a ka lulwama. Cha i no leba ne kwe cha ka lulwama chowo be po “nge kusigapele.” (Pisalema 111:8) A ti bone zwikai zwi si zwingapani:

•   Chino legwa ne Baibili: “Tjimwe ne tjimwe tjamunoyemula kuti bamwe bamuyitile itjo, mubayitile itjobo.”​—Matewu 7:12.

   Chino dwiwa: Ta ka fanila bata bangwe zwibuyanana ne ku ba thamila buthu, se kwa tino shaka thamigwabo.

•   Chino legwa ne Baibili: “Ndizo mmwe ne mmwe, alebe malebeswa ne wakabakidzana naye aletje manyepkhwa.”​—Baefeso 4:25.

   Chino dwiwa: Ta ka fanila ku be ne malebeswa mu na kose kwa ti no leba kana kwa tino thama.

 Ku ziba kwa ka paphidzika, to kumbila kuti u bale:

•   Thungamakole i na nsholo u no ti “Re ka Bona Kae Kgakololo E re Ka e Ikanyang?”

•   Nsholo u no ti “Go Itshokelana​—Kafa Baebele e ka Thusang ka Gone .”