Khani ye nlume we nfumi na Lazaro i chifaniso koga mu ndebo dzingwe dza ka legwa na Jesu (Luka 16:19-31) Mu khani iyeyi, balume ibaba ba no milila zwithopa zwe bathu zwibili: (1) batungamili be budumili gwe Chijuta be misi ya Jesu ne (2) ba no zwiyisa pasi ngono ba na malebeswa, baka amuchila nlaetsa wa Jesu

Mu nsholo iwoyu

•  Jesu wa ka tini ne kwe nlume we nfumi na Lazaro?

•  A khani iyeyi ya ka shingikala dumbu?

•  A khani iyeyi i no pa bufakazi gwe kuti ku na moto we dzihele?

•  Khani ye nlume we nfumi na Lazaro i no diyani?

 Muna Luka ndima 16, Jesu u no chenesa balume babili ba no shingikaligwa nge zwithu chinyolocho.

 Misholo ye khani ye cha ka legwa na Jesu: Nlume we nfumi wa ka be e chila buchilo gu pezhugwi. Nlume we nshayi u noyi Lazaro wa ka be e lala pa nkoba we nzi we nlume we nfumi, a na thembo ye kuti u nowo piwa mamburumburu e zojiwa a ka wa mu tafuli ye nlume we nfumi. Shule kwe chibaka Lazaro ka fa ngono baengele ba ka nsengela pejo na Aburahama. Nlume we nfumi na iye a kafa ngono a ka biganyiwa. Mu khani iyeyi, balume i baba ba no legwa u ngati bano khona kuzwiwa shule kwe ku fa kwabo. Nlume we nfumi wa ka fa, wa ka be e dziyidziwa kwazo nge moto ngono a ka kumbila Aburahama kuti e tume Lazaro ku tothodza lulimi gugwe nge vula ne chinyala. Aburahama ha zo amuchila cha a ka be e kumbigwa ne nlume we nfumi ngono ka ndwa kati iye na Lazaro ba chi shandukigwa ne mamo choselele, kakale kwa be ne gorokoro pakati kwabo li singa ke li ka chulukiwa.

 Aa. Echi chifaniso chaka legwa na Jesu chino diya malebeswa e kuti khani iyeyi chifaniso, i no amuchigwa ne dzi scholars. Ku lakidzila, nshogwana u mu Baibili ya Luther ye gole le 1912 u kati “ichechi chifaniso. Ngono footnote ye Catholic Jerusalem Bible ikati ichechi chi faniso chisa ka togwa mu chingwe chaka shingikalila bathu.”

 A Jesu wa ka be e diya ne kwe chino shingikala shule kwe nthu a fa? A wa ka be e dwa kuti bathu bangwe ba no dziyidzigwa mu moto we dzihele ha ba sino ba fa, ne kuti a Aburahama na Lazaro ba kudzimu? Ku na bufakazi gunjinji gu no lakidza kuti ichechi ha te i li malebeswa.

 Ku lakidzila:

•   Ha i li kuti nlume we nfumi wa ka be a li mu ndawo ye malebeswa e dziyidziwa nge pisiwa nge moto dumbu, a moto wa ka be u singa ke u ka womesa vula mu theswi ye chinyala cha Lazaro?

•   Dumbu ne vula i no be i sa ka womesiwa ne moto, a dokhwe li ngompela la ka be linga batsha nlume wa ka fuma mu ku dziyidziwa kukwe ne moto dumbu?

•   Aburahama wa ka be e chila kudzimu chini, ne kuti Jesu wa ka leba a ka tambunuka kuti mu chibaka cha a ka be e leba chifaniso ichechi, a kuna nthu wa ka tongo yenda kudzimu?—Johani 3:13.

 Aa. Nenguba iyeyi khani i li chifaniso koga, bangwe bano tshambilidza kuti i no lakidza nkumbulo we kuti bathu ba ka lulwama ba no yenda kudzimu, ngono ba ka bipa ba no dziyidziwa mu moto we dzihele. a

 A cheneso iyeyi ino hwika? Aa.

 Chidiyo che moto we dzihele a chi to dumilana ne chi no legwa ne Baibili ne kwe chimo che bafi. Ku lakidzila, ha i to leba kuti bathu bose ba ka lulwama ha be fa ba nowo shatha kudzimu kene kuti ba ka bipa ba nowo dziyidziwa mu moto we dzihele. Pana ichecho, Baibili i no chenesa zwibuyanana kuti: “Bathu banotjila banoziba kuti banowofa, koga bafi abatoziba tjimwe.”—Nreri 9:5.

 Khani iyeyi ino lakidza kuti zwithopa zwibili zwe bathu zowo shingikaligwa ne ku shanduka ku kulu kwe mamo.

 Nlume we nfumi uno milila batungamili be budumili gwe Chijuta, “ba ka be be da mari kwazo.” (Luka 16:14) Baka ba ka teedza ha Jesu e lebeleka ngono be nyanyaidza nlaetsa uwe. Batungamili be budumili ba ka be be lingila pasi bathu be mamo a pasi.—Johani 7:49.

 Lazaro wa ka be e milila bathu be mamo a pasi ba ka amuchila nlaetsa wa Jesu ngono be lingigwa pasi ne batungamili be budumili be Chijuta.

 Ku shanduka kwe mamo kwa ka shingikalila zwithopa ne bubili chinyolocho.

•   Batungamili be budumili gwe Chijuta ba ka be tola kuti ba nowo amuchigwa nge Ndzimu. Ngono ne i mwe zila u ngati ba ka fa, ha Ndzimu a singa ba amuchile kose ne zila yabo ye namato kakale ne kuti ba ka be ba singa amuchile nlaetsa wa Jesu. Ngono baka dziyidziwa ne nlaetsa wa ka be u reriwa na Jesu ne batobeli babe—Matewu 23:29, 30; Mishingo 5:29-33.

•   Bathu be mamo a pasi—ba ka be be lashiligwa ne batungamili be budumili—ba ka be bowo shathila ku amuchigwa. Banjinji ba ka amuchila nlaetsa wa ka be u diyiiwa na Jesu ngono ba ka be ne mbayilo mu uli. Ba ka be ba bo ne chibaka che ku shathila ku amuchigwa ne Ndzimu cha chose—Johani 17:3.