Mushilambo uti, vanu vankuvanavo maoni lakuvilingananga kwaupande wa ugwalwa. Vanji kuvanagwela kukumbila vakava na vambodi vavo. Vanji hakunavanagwela kukumbila. Na vanji vanakumbila mpaka kwambalwa. Ibibiliya inkuvanavo maoni shani kwaupande wa ugwalwa?

1. Da ni shinu shakunyata kukumbila ugwalwa?

Ibibiliya hainavalanga shinu kenga kukumbila ni shinu shakunyata. Kuleka apo, pakati pa dishawadi dyoe dyatupele Nnungu, Ibibiliya inkushidoni ‘ivinyu inapuwangidya ntima wa munu.’ (Dimu 104:14, 15) Valume na vakongwe vakukulupilika vavalangangigwa mu Ibibiliya vashinakumbila ugwalwa.—1 Timoti 5:23.

2. Ibibiliya inkujaula midimu shani kwa avalá vamuwa kukumbila ugwalwa?

Yeova kunannyatila kukumbila kwa kupita shilinga. (Vagalata 5:21) Lilove lyake linkushidoni: ‘Haunapagwe pakati pa vanu vanakumbila namene ivinyu.’ (Mikong’o 23:20) Pavedoni, tukamuwa kukumbila—ituvaikidile tukumbile mu inamuna ivaikidile—ata tukava gwekayetu, kwambalwa kunantadya munu mene kukumbukila shana, hanaulula kulaledya shatangola na shatenda, kuleka davo kunkuulula kutimbanga shingumi. Tukanaulula kulilaledya ituvaikidile tuleke kukumbila ugwalwa.

3. Tulota kuulula dashi kwishimu wamushi wa vanu vanji?

Kukumbila ugwalwa ni wamushi wa kula munu. Hatunalote tumukumu njetu mwaa nae andyamuwa kukumbila na kulilaledya, namomo hatunalote tunkanyalidye munu kukumbila. (Valoma 14:10) Tunamuwa mene kukumbila tukona kenga tundavatadya vanu vanji kulikuvala. (Shomya Valoma 14:21.) Wetu hatunalambela “wambone wetu tuvene kanji wa munu junji.”—Shomya 1 Vakolintu 10:23, 24.

 LAMBELA KUMANYA VYOE

4. Amuwa ikava kenga unakumbila au mene

Yesu ashanela mwashi kwaupande wakukumbila ugwalwa? Makango matandi lamwe Yesu lanatupwashela kupata lijibu. Shomya Nshuwau 2:1-11, na badae mwambangile mwaa vyakudya vya mwina:

• Makango ala, lankutupwashela dashi kumanya mwashi mwashanela Yesu (1) ugwalwa na (2) ámuwa kukumbila?

• Kwa kuva Yesu havalenge kenga kukumbila ni shakunyata, Vaklistu ivavaikidile vakumbukile nyamani kwa avalá vamuwa kukumbila?

Kwa kuva Vaklistu vankuulula kukumbila, kanji au haunava shinu wamushi uvaikidile kutenda ngwengwe. Shomya Mikong’o 22:3, na badae mwambangile mwaa dimbande dya mwina dilota kwambukisha dashi wamushi wako:

• Wako unaulula kutukusha ligali au kutumila makina.

• Wako uve na shitumbo.

• Madiku akwaulidile haunakumbile.

• Kunakukamadyangidya kulilaledya ukakumbila.

• Lilamulo linkukuleya kukumbila.

• Wako unkunama na munu amuwidye mene kukumbila mwaa laninkodya matatisho kwamwaa wa ugwalwa kala.

Da wako unkuulula kuvapa ugwalwa vanu pashikukulu shashitamu au pankutano unji? Pakulota kulola nyamani shilota kukupwashela kumya wamushi, lola VIDEO.

Shomya Valoma 13:13 na 1 Vakolintu 10:31, 32. Baada yakushomya maandiko ala, mwambangile mwaa shakudya sha mwina:

• Kuvikila mmitendo malamulo ala ákabadilika lalota kukupwashela dashi wako kumya wamushi wambone umpuwangidya Yeova?

 5. Wakati uvaikidile kukumbila

Wako ukamuwa kukumbila ugwalwa, kumbukila doni: Yeova hanaleya shinu kukumbila, kanji nae ankuleya kukumbila kwa kupita shilinga. Mwaa wa nyamani? Shomya Osheya 4:11, 18, na badae mwambangile mwaa shakudya sha mwina:

• Shilota kutandeka nyamani munu akakumbila kupita shilinga?

Shilota kutupwashela nyamani pakulota hatunakumbile kupita shilinga? Ituvaikidile tulilaledye au tumanye mipaka vyetu. Shomya Mikong’o 11:2, na badae mwambangile mwaa shakudya sha mwina:

• Mwaa shani ni shambone kulivikila mipaka muwakati watulota kukumbila?

6. Lipwashalelo kwa avalá vakumbila kupita shilinga

 KWAUNGWIPI

Ugwalwa unkutenda imbande ya dishawadi dyatupele Yeova, kanji nae ankuleya kukumbila namene na kwambalwa.

Tukumbukilange

• Ibibiliya inkuvanavo maoni shani kwaupande wa ugwalwa?

• Shijoidyo shani shipagwite kwaupande wa kukumbila namene?

• Ulota kuulula dashi kwishimu wamushi wa vanu vanji?