AJUDA PA LIDA KU FADIGA
Nu pode ten un vida sen fadiga
Kes konsedju ki Bíblia ta da pode djuda-u lida ku fadiga. É klaru ki nu ka ta konsigi kaba ku tudu kuza ki ta pô-nu ku fadiga, má nos Kriador ta konsigi, i ti dja el skodje Jizus Kristu pa djuda-nu. Kantu Jizus staba na Téra, el djuda pesoas di txeu manera, i na futuru el ta ben faze kuzas mutu más grandi na Téra interu. Pur izénplu:
JIZUS TA BEN KURA ALGEN DUENTI, SIMA DJA EL FAZEBA ANTIS
‘Es leba-l tudu kes ki staba ta sufri ku txeu duénsa i el kura-s.’ — MATEUS 4:24.
JIZUS TA BEN DA TUDU ALGEN KAZA I KUMIDA
‘Es [kes ki Kristu ta ben governa] ta ben faze kazas i mora na es; es ta ben planta lugaris xeiu di pé di uva i kume di ses fruta. Es ka ta faze kazas pa otus algen mora, es ka ta planta pa otus algen ba kume.’ — ISAÍAS 65:21, 22.
GOVÉRNU DI JIZUS TA BEN TRAZE PAS I SUGURANSA NA TÉRA INTERU
‘Na se ténpu, justu ta ben bira txeu, i ta ben ten txeu pas ti ki lua dexa di izisti. Kes algen ki el ta governa ta ben sta di un pónta di mar ti kel otu, i di kel Riu ti kes párti más lonji di Téra. I se inimigus ta ben lenbe téra.’ — SALMOS 72:7-9.
JIZUS TA BEN KABA KU TUDU INJUSTISA
‘El ta xinti péna di koitadu i di póbri, i el ta salva vida di algen póbri. El ta libra-s di abuzu i di violénsia’. — SALMOS 72:13, 14.
JIZUS TA BEN KABA KU SUFRIMENTU I MÓRTI
‘Ka ta ten más mórti, nen ka ta ten más tristéza, nen txoru, nen dór.’ — APOCALIPSE 21:4.
