Jizus sabe kuzê ki é sufri pamodi krimi i injustisa. El akuzadu ku falsidadi, el sotadu sen merese, el julgadu i kondenadu di manera injustu i el matadu di manera kruel. Enbóra Jizus éra inosenti, di livri vontadi i sen pensa na se kabésa, el “da se vida pa resgata txeu algen.” (Mateus 20:28; Juan 15:13) Oji Jizus é Rei di Reinu di Deus, i ka ta dura el ta ben traze justisa na téra i el ta ben kaba ku krimi. — Isaías 42:3.

 Bíblia ta fla modi ki mundu ta ben ser óras ki Jizus ben kaba ku krimi i injustisa:

•   ‘Kes algen mau ta ben dexa di izisti; bu ta djobe pa lugar ki es staba, i es ka ta sta la. Má, kes algen mansu ta ben toma kónta di téra i es ta ben ten txeu alegria ku txeu pas.’ — Salmo 37:10, 11.

 Modi ki nu pode mostra nos gratidon pa tudu kel ki Jizus dja faze i ki el sta ben faze pa nos? Na Lukas 22:19, Jizus fla se sigidoris pa lenbra di se mórti. Pur isu tudu anu, na aniversáriu di se mórti, Tistimunhas di Jeová ta djunta pa faze kel-li. Nu ta konvida-u pa bu ba sta djuntu ku nos na Komemorason di mórti di Jizus, na dumingu dia 24 di marsu di 2024.

Djobe un lugar pa sisti Komemorason