Bíblia ten kes midjór konsedju sobri vida. Si bu le-l, bu pensa txeu na el i bu aplika kuzê ki bu prende, ‘bu ta ten bon rezultadu na bu kaminhu’. (Josué 1:8; Salmo 1:1-3) Tanbê bu ta pasa ta konxe Deus i se Fidju, Jizus i kel konhisimentu li ta djuda-u ten salvason. — João 17:3.

Na ki órdi bu debe lé kes livru di Bíblia? Ten más di ki un manera. Kel prugrama di leitura di Bíblia li ta djuda-u lé kes livru di Bíblia pa órdi ki es ta parse ô nton asuntu pa asuntu. Pur izénplu, bu pode skodje kes párti ki ta konta stória di modi ki Deus lida ku nason di Israel. Bu pode lé otus párti pa bu prende sobri modi ki kongregason di kes primeru kriston kumesa i el ba ta bira más grandi. Si tudu dia, bu lé un grupu di kapítlus di Bíblia sima sta na kel prugrama li, bu ta konsigi lé Bíblia interu na un anu.

Ka nporta si bu sta djobe un prugrama pa djuda-u lé Bíblia tudu dia, pa djuda-u le-l na un anu ô sô pa djuda-u kumesa ta le-l, kel prugrama li ta sirbi pa bo. Diskarega ô inprimi prugrama di leitura di Bíblia i kumesa bu leitura oji.