Ve. Dibundu na beto ke salaka ve lisiti ya bafilme, ya mikanda, to ya bankunga yina bampangi na beto fwete buya. Sambu na nki?

  Biblia ke siamisaka konso muntu na kusadila “mayele na [yandi] ya kubakisa” mambu sambu na kusala luswaswanu na kati ya mambu ya mbote mpi ya mbi.​—Baebreo 5:14.

  Biblia ke tubilaka minsiku ya mfunu yina Mukristu lenda tadila ntangu yandi ke pona nsaka ya kulutisa ntangu. a Na mambu yonso ya luzingu, lukanu na beto ke vandaka ya ‘kulanda kuzikisa mambu yina Mfumu ke ndimaka.’​—Baefezo 5:10.

  Biblia ke longaka nde babakala kele bamfumu ya mabuta, yo yina bo lenda buyisa bantu ya mabuta na bo bansaka ya nkaka ya kulutisa ntangu. (1 Bakorinto 11:3; Baefezo 6:1-4) Katula na dibuta, ata muntu mosi ve kele ti nswa ya kubuyisa bampangi ya dibundu filme mosi buna, nkunga mosi buna to muntu mosi buna ya ke bulaka miziki to ya ke salaka bafilme.​—Bagalatia 6:5.