Nkunga 145:1-21
Nkunga ya kukumisa ya Davidi.
א [Aleph]
145 Mono ta pesa nge nkembo, O Nzambi na mono Ntotila,+Mono ta kumisa zina na nge mvula na mvula.+
ב [Beth]
2 Mono ta kumisa nge kilumbu ya mvimba;+Mono ta kumisa zina na nge mvula na mvula.+
ג [Gimel]
3 Yehowa kele nene mpi yandi me fwana kibeni na kubaka lukumu;+Bo lenda bakisa ve bunene na yandi.+
ד [Daleth]
4 Bandonga yonso ya bantu yina ta kwisa ta kumisa bisalu na nge;Bo ta tubila bisalu na nge ya ngolo.+
ה [He]
5 Bo ta tubila lukumu ya nkembo ya bunene na nge+Mpi mono ta yindulula bisalu na nge ya kuyituka.
ו [Waw]
6 Bo ta tubila bisalu* na nge ya ke pesa boma;Mpi mono ta zabisa bunene na nge.
ז [Zayin]
7 Bangogo na bo ya lukumu ta basika bonso nto ya masa ntangu bo ke yibuka bumbote na nge ya mingi,+Mpi bo ta tula milolo ya kiese sambu na lunungu na nge.+
ח [Heth]
8 Yehowa ke fwilaka bantu nkenda* mpi ke wilaka bo mawa,+Yandi ke waka makasi nswalu ve mpi kele na zola ya kwikama mingi.+
ט [Teth]
9 Yehowa kele mbote sambu na bigangwa yonso,+Mpi mawa na yandi ke monanaka na bisalu na yandi yonso.
י [Yod]
10 Bisalu na nge yonso ta pesa nge nkembo, O Yehowa,+Mpi bantu na nge ya kwikama ta kumisa nge.+
כ [Kaph]
11 Bo ta zabisa nkembo ya kimfumu na nge+Mpi bo ta tubila ngolo na nge,+
ל [Lamed]
12 Sambu na kuzabisa bantu bisalu na yandi ya ngolo+Mpi lukumu ya nkembo ya kimfumu na yandi.+
מ [Mem]
13 Kimfumu na nge kele kimfu- mu ya kukonda nsuka,Mpi luyalu na nge ke zingaka na bandonga yonso ya bantu.+
ס [Samekh]
14 Yehowa ke sadisaka bantu yonso yina ke bwa+Mpi yandi ke tedimisaka bantu yonso yina me fumbama.+
ע [Ayin]
15 Meso yonso ke talaka nge ti kivuvu;Nge ke pesaka bo madia na nsungi na yo.+
פ [Pe]
16 Nge ke kangula diboko na ngeMpi nge ke lungisa nzala ya konso kima ya kele na luzingu.+
צ [Tsade]
17 Yehowa kele ya lunungu na banzila na yandi yonso+Mpi ya kwikama na mambu yonso ya yandi ke salaka.+
ק [Qoph]
18 Yehowa kele pene-pene ya bantu yonso yina ke bingaka yandi,+Ya bantu yonso yina ke bingaka yandi na kieleka.*+
ר [Resh]
19 Yandi ke lungisaka nzala ya bantu yina ke waka yandi boma;+Yandi ke waka kudila na bo sambu na kulomba lusadisu, mpi yandi ke gulusaka bo.+
ש [Shin]
20 Yehowa ke taninaka bantu yonso yina ke zolaka yandi,+Kansi yandi ta fwa bantu yonso ya mbi.+
ת [Taw]
21 Munoko na mono ta zabisa lukumu ya Yehowa;+Bika bima yonso yina kele na luzingu* kukumisa zina na yandi ya santu mvula na mvula.+
Banoti na nsi ya lutiti
^ To “ngolo.”
^ To “ke sadilaka bantu mambu na luzitu yonso.”
^ To “na masonga.”
^ Na kisina, “nsuni yonso.”
