Nkunga 73:1-28
Nkunga ya Asafi.+
73 Nzambi kele kibeni mbote sambu na Izraele, sambu na bantu yina kele na ntima ya mpembe.+
2 Kansi mono, makulu na mono zolaka kuvila nzila;Yo bikalaka fioti bitambi na mono kusietumuka.+
3 Sambu mono kumaka kulula bantu ya ke kudisongaka,*Ntangu mono vandaka kumona ngemba ya bantu ya mbi.+
4 Sambu bo kele ve na mpasi na lufwa na bo;Nitu na bo kele ngolo.*+
5 Bo ke kudiyangisaka ve bonso bantu ya nkaka,+Mpi bo ke monaka ve mpasi bonso bankaka.+
6 Yo yina, lulendo kele mayaka na bo ya nkingu;+Mubulu me lwata bo bonso lele.
7 Kimvwama* na bo ke vimbisa meso na bo;Bo me baka bima mingi kuluta yina ntima na bo lendaka kuyindula.
8 Bo ke seka mpi ke tuba mambu ya mbi.+
Na lulendo yonso bo ke pesa bantu boma nde bo ta niokula bo.+
9 Bo ke tuba bonso nde bo vandaka na kisika yina kele ya kunanguka kibeni bonso zulu,Mpi baludimi na bo ke tambula na ntoto.
10 Yo yina bantu na yandi ke kwenda na ndambu na bo,Mpi bo ke nwa masa na masa ya mingi yina bo kele na yo.
11 Bo ke tuba nde: “Inki mutindu Nzambi me zaba?+
Keti Muntu ya Kuluta Zulu kele kibeni ti nzayilu?”
12 Ee, yai bantu ya mbi, yina ke vandaka ntangu yonso ti luzingu ya kukonda mpasi.+
Bo ke landa kukumisa kimvwama na bo mingi.+
13 Ya kieleka, mono kudipesaka mpasi ya mpamba na kuvanda ti ntima ya mpembeMpi mono kudipesaka mpasi ya mpamba na kuyobisa maboko na mono sambu na kusonga nde mono me sala mbi ve.+
14 Mpi mono vandaka kudiyangisa kilumbu ya mvimba;+Konso suka bo vandaka kupesa mono ndola.+
15 Kansi kana mono tubaka mambu yai,Mono zolaka kuteka bantu na nge.*
16 Ntangu mono sosaka kubakisa yo,Yo vandaka kuyangisa mono
17 Tii ntangu mono kotaka na kisika ya santu ya nene ya Nzambi,Mpi mono bakisaka makwisa na bo.
18 Ya kieleka nge me tula bo na ntoto ya butesi.+
Nge ke sala nde bo bwa mpi bo fwa.+
19 Bo ke fwa kibeni na kintulumukina!+
Nsuka na bo kele ya kintu- lumukina ntangu bo ke suka na mutindu ya mbi!
20 Bonso ndosi ntangu muntu ke telama na mpongi, O Yehowa,Ntangu nge ta telama, nge ta tula ve dikebi na* kifwanisu na bo.
21 Kansi ntima na mono vandaka ngani,+Mpi na kati kibeni,* mono waka mpasi ya ngolo.
22 Mono vandaka zoba mpi mono kondaka mayele ya kubakisa mambu;Mono vandaka bonso mbisi ya kukonda mayele na ntwala na nge.
23 Kansi ntangu yai mono kele ntangu yonso ti nge;Nge me simba diboko na mono ya kitata.+
24 Nge ke twadisa mono na ndongisila na nge,+Na nima nge ta nata mono tii na nkembo.+
25 Mono kele ti nani kuna na zulu?
Mpi katula nge mono kele na nzala ya kima ve na ntoto.+
26 Nitu na mono ti ntima na mono lenda lemba,Kansi Nzambi kele ditadi ya ntima na mono mpi dikabu na mono kimakulu.+
27 Ya kieleka, bantu yina ke bikalaka ntama ti nge ta fwa.
Nge ta sukisa* konso muntu yina ke sala mansoni* mpi ke bikisa nge.+
28 Kansi sambu na mono, kupusana pene-pene ya Nzambi kele mbote.+
Mono me kumisa Yehowa Mfumu ya Kuluta Nene kitininu na mono,Sambu na kuzabisa bisalu na nge yonso.+
Banoti na nsi ya lutiti
^ To “bantu ya ke kudikumisaka.”
^ To “Mavumu na bo kele mafuta.”
^ Na kisina, “Mafuta.”
^ Na kisina, “ndonga ya bantu ya bana na nge.”
^ Na kisina, “ta vweza.”
^ Na kisina, “na kati ya bapiku na mono.”
^ Na kisina, “ta kanga munoko ya.”
^ To “ke konda kwikama.”
