Nkunga 84:1-12
Sambu na ntwadisi; na zulu ya Gititi.* Ya bana ya Kora.+ Nkunga.
84 Nzo-tenta na nge ya nene kele kitoko kibeni,*+O Yehowa ya makesa!
2 Mono* kele na nzala ya ngolo,Ee, mono me lemba na nzala ya ngolo,Ya bibansala ya Yehowa.+
Ntima na mono ti nsuni na mono ke tula milolo ya kiese sambu na Nzambi ya moyo.
3 Ata ndeke me zwa nzo kunaMpi kakangala me zwa buyamba na yo,Kisika yo ke kebaka mwana na yoPene-pene ya mesa-kimenga na nge ya nene, O Yehowa ya makesa,Ntotila na mono mpi Nzambi na mono!
4 Kiese na bantu yina ke zingaka na nzo na nge!+
Bo ke landa kupesa nge lukumu.+ (Sela)
5 Kiese na bantu yina ke bakaka ngolo na bo na nge,+Yina bantima na bo kele na banzila ya nene.
6 Ntangu bo ke luta na Muwanda ya Baka,*Bo ke kumisa yo kisika ya banto ya masa;Mpi mvula ya ntete ke lwatisa yo* balusakumunu.
7 Bo ta tambula ti ngolo yina ke landa kukuma mingi;+Konso muntu ke monana na ntwala ya Nzambi na Sioni.
8 O Yehowa Nzambi ya makesa, wa kisambu na mono;Widikila, O Nzambi ya Yakobi. (Sela)
9 Tala, kitaninu na beto+ mpi Nzambi na beto,*Tala luse ya muntu yina nge me tulaka mafuta.+
10 Sambu kilumbu mosi na bibansala na nge kele mbote kuluta bilumbu funda na kisika ya nkaka!+
Mono me sola kutelama na munoko ya nzo ya Nzambi na monoNa kisika ya kuzinga na batenta ya bantu ya mbi.
11 Sambu Yehowa Nzambi kele ntangu+ mpi kitaninu;+Yandi ke monisaka ntima ya mbote mpi nkembo.
Yehowa ta buya ve kupesa konso kima yina ya mboteNa bantu yina ke tambulaka na kwikama.+
12 O Yehowa ya makesa,Kiese na muntu yina ke tudilaka nge ntima.+
Banoti na nsi ya lutiti
^ Tala Bantendula ya Bangogo.
^ To “Mono ke zolaka nzo-tenta na nge mingi.”
^ To “Moyo na mono.”
^ To “muwanda ya banti ya baka.”
^ To mbala ya nkaka, “Mpi longi ke kudifika ti.”
^ To mbala ya nkaka, “Tala kitaninu na beto, O Nzambi.”
