Bingana 1:1-33
1 Bingana ya Salomo,+ mwana ya Davidi,+ ntotila ya Izraele:+
2 Sambu na kulonguka* mayele+ mpi malongi;Sambu na kubakisa kutuba ya mayele;
3 Sambu na kubaka malongi+ yina ke pesaka mayele ya kubakisa mambu mbote-mbote,Lunungu,+ mayele ya kutadila mambu mbote,*+ mpi masonga;*
4 Sambu na kupesa mayele+ na bantu yina me konda mayele;Sambu na kupesa leke ya bakala nzayilu mpi mayele ya kuyindula.+
5 Muntu ya mayele ke waka mpi ke bakaka malongi mingi;+Muntu yina kele ti mayele ya kubakisa mambu ke bakaka lutwadisu ya mayele+
6 Sambu na kubakisa kingana mpi diambu ya mpasi,Bangogo ya bantu ya mayele mpi bangiufula na bo ya mpasi.+
7 Boma ya* Yehowa kele luyantiku ya nzayilu.+
Bazoba mpamba bantu ke vwezaka mayele mpi malongi.+
8 Mwana na mono, wa malongi ya tata na nge,+Mpi kuyambula ve malongi* ya mama na nge.+
9 Yo kele mpu ya kitoko ya bintuntu na ntu na nge+Mpi mayaka ya kitoko na nkingu na nge.+
10 Mwana na mono, kana bansumuki kumeka kubenda nge, kundima ve.+
11 Kana bo tuba nde: “Kwisa ti beto.
Beto bumbana sambu na kutiamuna menga.
Beto ta bumbana sambu na kuvingila kukonda kikuma bantu yina me sala kima ve.
12 Beto ta mina bo ya moyo, mutindu Maziamu* ke minaka bantu,Beto ta mina bo ya mvimba, bonso bantu yina ke kulumuka na dibulu.
13 Beto botula bimvwama na bo yonso ya ntalu;Beto ta fulusa banzo na beto ti bima yina beto me botula.
14 Nge fwete vukana ti beto,*Mpi beto yonso ta kabula bima yina beto me yiba kiteso mosi.”*
15 Mwana na mono, kulanda bo ve.
Kutula ve makulu na nge na nzila na bo,+
16 Sambu makulu na bo ke kwendaka ntinu sambu na kusala mambu ya mbi;Bo ke kwendaka nswalu sambu na kutiamuna menga.+
17 Yo kele kibeni mfunu ve na kuyalumuna bukondi ntangu ndeke ke tala.
18 Yo yina bo ke bumbana sambu na kutiamuna menga;Bo ke bumbana sambu na kufwa bantu* ya nkaka.
19 Yai banzila ya bantu yina ke sosaka luta na banzila ya luvunu,Yina ta fwa* bantu yina ke bakaka yo.+
20 Mayele ya kieleka+ ke tuba na ndinga ya ngolo na bala-bala.+
Yo ke landa kutombula ndinga na babala-bala ya nene.+
21 Na kinkonko* ya babala-bala yina bantu ke tambulaka mingi yo ke tuba na ndinga ya ngolo.
Na minoko ya bakielo ya mbanza, yo ke tuba nde:+
22 “Tii nki ntangu beno bantu yina me konda mayele ta zola kukonda mayele?
Tii nki ntangu beno bantu yina ke sekaka bantu ta wa kiese na kuseka bantu?
Mpi tii nki ntangu beno bazoba ta menga nzayilu?+
23 Beno wa* kana mono nganina beno.+
Ebuna mono ta tiamuna mpeve na mono sambu na beno;Mono ta zabisa beno bangogo na mono.+
24 Sambu mono bokaka, kansi beno landaka kubuya,Mono tandulaka diboko na mono, kansi muntu mosi ve vandaka kutula dikebi,+
25 Beno landaka kumona mpamba bandongisila na mono yonsoMpi kubuya kunganina na mono,
26 Mono mpi ta seka ntangu mpasi ta bwila beno;Mono ta vweza beno ntangu kima yina beno ke wila boma ta kwisa,+
27 Ntangu kima yina beno ke wila boma ta kwisa bonso mupepe ya ngolo,Mpi mpasi na beno ta kwisa bonso mvula ya ngolo ya mupepe,Ntangu mambu ya mpasi ti mavwanga ta bwila beno.
28 Na ntangu yina, bo ta landa kubinga mono, kansi mono ta ndima ve;Bo ta sosa mono na kikesa yonso, kansi bo ta mona mono ve,+
29 Sambu bo mengaka nzayilu,+Mpi bo solaka ve na kuwa Yehowa boma.+
30 Bo buyaka bandongisila na mono;Bo monaka mpamba kunganina yonso ya mono nganinaka bo.
31 Yo yina bo ta baka malanda* ya banzila na bo,+Mpi bo ta fuluka ti bandongisila* na bo mosi.
32 Sambu ntu-ngolo ya bantu yina me konda mayele ta fwa bo,Mpi kikalulu ya mafu-mafu ya bazoba ta fwa bo.
33 Kansi muntu yina ke wilaka mono ta zinga na lutaninu+Mpi boma ya mpasi ta yangisa yandi ve.”+
Banoti na nsi ya lutiti
^ Na kisina, “Sambu na kuzaba.”
^ To “mambu ya mbote.”
^ To “kukonda kupona-pona.”
^ To “Luzitu sambu na.”
^ To “nsiku.”
^ To “Sheole,” disongidila, maziamu ya bantu yonso. Tala Bantendula ya Bangogo.
^ To “Bula zeke ti beto.”
^ To “ta kabula saki kaka mosi.”
^ To “mioyo ya bantu.”
^ To “ta katula moyo ya.”
^ Na kisina, “ntu.”
^ To “Beno vutuka.”
^ Na kisina, “ta dia mbuma.”
^ To “bangindu; balukanu.”
