Mika 6:1-16
6 Pardo, beno wa mambu yina Yehowa ke tuba.
Telama, monisa diambu na ntwala ya bangumba ya nene,Mpi bika bangumba ya fioti kuwa ndinga na nge.+
2 O bangumba, beno wa diambu ya Yehowa,Beno bafondasio ya ngolo ya ntoto,+Sambu Yehowa kele ti diambu na bantu na yandi;Yandi ta tulana ntembe ti Izraele:+
3 “Bantu na mono, inki mono me sala beno?
Inki mutindu mono me lembisa beno?+
Beno ta kimbangi sambu na kubedisa mono.
4 Sambu mono basisaka beno na insi ya Ezipte,+Mono sumbaka beno diaka na nzo ya kimpika;+Mono tindaka Moize, Aroni, mpi Miriami+ na ntwala na beno.
5 Bantu na mono, pardo beno yibuka mambu yina Balaki ntotila ya Moabi kanaka,+Mpi mambu yina Balami mwana ya Beore songaka yandi+—Mambu yina salamaka katuka na Shitimi+ tii na Gilgale+—Sambu beno zaba mambu ya lunungu ya Yehowa.”
6 Mono ta kwisa ti nki na ntwala ya Yehowa?
Mono ta fukama ti nki na ntwala ya Nzambi ya zulu?
Keti mono ta kwisa na ntwala na yandi ti bimenga ya mvimba ya kuyoka,Ti mwana-ngombe yina me lungisa mvula mosi?+
7 Keti Yehowa ta wa kiese na mafunda ya mameme ya babakala,Ti makumi ya mafunda ya banzadi ya mafuta?+
Keti mono ta pesa mwana na mono ya ntete sambu na kukolama na mono,Mbuma ya nitu na mono sambu na disumu na mono?*+
8 O muntu, yandi me songa nge mambu yina kele mbote.
Ebuna nki Yehowa ke lomba nge?*
Kaka kusala mambu na lunungu,*+ kuzola kwikama,*+Mpi kutambula kukonda lulendo+ ti Nzambi na nge!+
9 Ndinga ya Yehowa ke binga na mbanza;Bantu yina kele ti mayele ta wa zina na nge boma.
Beno tula dikebi na nti mpi na muntu yina tulaka yo.+
10 Keti bimvwama ya bisalu ya mbi kele ntete na nzo ya muntu ya mbiMpi efa* ya ndambu yina bantu ke mengaka?
11 Keti mono lenda vanda bunkete na bikalulu* kana mono kele ti bakilo ya mbi,Ti saki ya matadi ya kutesila kilo ya luvunu?+
12 Sambu bamvwama na yandi me fuluka ti mubulu,Mpi bantu na yandi ke tuba mambu ya luvunu;+Ludimi na bo kele luvunu na munoko na bo.+
13 “Yo yina, mono ta bula nge mpi ta lwadisa nge,+Mono ta bikisa nge mpamba sambu na masumu na nge.
14 Nge ta dia kansi nge ta fuluka ve;Nge ta vanda mpamba na kati.+
Bima yina nge ke katula, nge ta nata yo ve na lutaninu,Mpi bima yina nge ke nata, mono ta pesa yo na mabo- ko ya bambeni na nge.
15 Nge ta kuna bambuma, kansi nge ta katula yo ve.
Nge ta niata-niata bambuma ya olive, kansi nge ta sadila ve mafuta yina;Mpi nge ta sala vinu ya mpa, kansi nge ta nwa ve vinu.+
16 Sambu beno ke zitisa bansiku ya Omri mpi kisalu yonso ya nzo ya Ahabi,+Mpi beno ke tambula na kulanda bandongisila na bo.
Yo yina mono ta kumisa nge kima ya ke pesa bomaMpi mono ta kumisa bantu ya ke zingaka na kati na yandi kima ya kubudila mwita;+Mpi beno ta nata nsoni ya bantu.”+
Banoti na nsi ya lutiti
^ To “sambu na disumu ya moyo na mono?”
^ To “kuvanda muntu ya mawete mpi ya kwikama na zola na nge.” Na kisina, “kuzola zola ya kwikama.”
^ To “kuvanda muntu ya lunungu; kuvanda muntu ya mbote.”
^ To “ke lomba nge na kuvutudila yandi.”
^ To “vanda muntu ya me sala mbi ve.”
