Yezaya 35:1-10
35 Ntoto-makanga ti ntoto ya kuyuma ta vanda na kiese,+Mpi ntoto ya zelo na zelo ta yangalala mpi ta basisa bintuntu bonso safrani.*+
2 Yo ta basisa kibeni bintuntu;+Yo ta vanda na kiese mpi ta tula milolo ya kiese.
Bo ta pesa yo nkembo ya Libani,+Lukumu ya Karmele+ mpi ya Sharoni.+
Bo ta mona nkembo ya Yehowa, lukumu ya Nzambi na beto.
3 Beno pesa maboko yina me lemba kikesa,Mpi beno kumisa ngolo mabolongo yina ke nikana.+
4 Beno tuba na bantu yina ke kudiyangisa na ntima nde:
“Beno vanda ngolo. Beno wa boma ve.
Tala! Nzambi na beno ta kwisa sambu na kuvutula mbi,Nzambi ta kwisa sambu na kupesa ndola.+
Yandi ta kwisa mpi ta gulusa beno.”+
5 Na ntangu yina meso ya bifwa-meso ta kanguka,+Mpi makutu ya bifwa-makutu ta wa.+
6 Na ntangu yina muntu ya dikulu-kifu ta pumbuka bonso kabuluku,+Mpi ludimi ya baba ta tula milolo ya kiese.+
Sambu bamasa ta basika na ntoto-makanga,Mpi bamasa ta basika na ntoto ya zelo na zelo.
7 Ntoto ya me yuma na mwini ta kuma dizanga ya masa ya me fuluka ti balukengi,Mpi ntoto ya kukonda masa ta kuma banto ya masa.+
Na bisika yina bambwa ya nseke vandaka kupema,+Yo ta vanda ti matiti ya mubisu, balukengi mpi papirusi.
8 Nzila mosi ya nene ta vanda kuna,+Ee, nzila mosi ya bo ta binga Nzila ya Busantu.
Muntu ya mvindu ta tambula ve kuna.+
Yo kele kaka sambu na muntu yina ke tambula na nzila yina;Ata zoba mosi ve ta vila kuna.
9 Ata ntambu mosi ve ta vanda kuna,Mpi ata mbisi mosi ve ya makasi ya mfinda ta kwisa kuna.
Bo ta mona bo ve kuna;+Kaka bantu yina bo me sumbaka diaka ta tambula kuna.+
10 Bantu yina Yehowa me sumbaka diaka ta vutuka+ mpi ta kwisa na Sioni ti milolo ya kiese.+
Kiese ya ke manaka ve ta vanda na ba-ntu+ na bo bonso mpu.
Bo ta yangalala mpi ta vanda na kiese,Mpi mawa ti kudila ta tina.+
Banoti na nsi ya lutiti
^ To “bintuntu ya krokusi.”
