Yezaya 65:1-25
65 “Mono kudibikaka nde bantu yina yulaka mono ve kusosa mono;Mono kudibikaka nde bantu yina sosaka mono ve kumona mono.+
Mono tubaka na dikanda yina vandaka kubinga ve zina na mono+ nde, ‘Mono yandi yai, mono yandi yai!’
2 Kilumbu ya mvimba, mono me tandula maboko na mono na bantu ya ntu-ngolo,+Na bantu yina ke tambula na mutindu ya mbi,+Mpi ke landa bangindu na bo mosi;+
3 Bantu yina ke vweza mono ntangu yonso na luse na mono,+Mpi ke pesa bimenga na bilanga+ mpi ke pesa midinga ya kimenga na zulu ya babriki.
4 Bo me vanda na kati ya maziamu,+Mpi bo ke lala na bisika ya kubumbana,*Bo ke dia musuni ya ngulu,+Mpi supu ya bima ya kupola* kele na kati ya malonga na bo.+
5 Bo ke tuba nde, ‘Bikala kuna; kupusana ve pene-pene na mono,Sambu mono kele santu kuluta nge.’*
Yai kele midinga na kati ya mbombo na mono, tiya ya ke pela kilumbu ya mvimba.
6 Tala! Bo me sonika yo na ntwala na mono;Mono ta bikala ve pima,Kansi mono ta vutudila bo,+Mono ta vutudila bo na kiteso ya mingi kibeni*
7 Sambu na bifu na bo mpi bifu ya ba-nkaka na bo,”+ Yehowa muntu me tuba.
“Sambu bo me pesa midinga ya kimenga na zulu ya bangumba ya neneMpi me pesa mono nsoni na zulu ya bangumba ya fioti,+Mono ta tesa ntete-ntete lufutu na bo na kiteso ya mingi.”*
8 Yehowa me tuba nde:
“Kaka mutindu bo ke mona- ka vinu ya mpa na kisuka ya bambuma ya vinuMpi muntu mosi kutuba nde, ‘Kubebisa yo ve, sambu yo kele ti mwa kima ya mbote* na kati na yo,’
Mono ta sala mpi mutindu yina sambu na bansadi na mono;Mono ta fwa bo yonso ve.+
9 Mono ta basisa bana* na YakobiMpi mono ta basisa na Yuda muntu yina ta baka bangumba na mono;+Bantu yina mono me solaka ta baka yo,Mpi bansadi na mono ta zinga kuna.+
10 Sharoni+ ta kuma nseke sambu na mamemeMpi Muwanda* ya Akore+ kisika ya kupema sambu na bangombe,Sambu na bantu na mono yina ke sosa mono.
11 Kansi beno kele na kati ya bantu yina ke yambula Yehowa,+Bayina ke vila ngumba na mono ya santu,+Bayina ke yidika mesa sambu na nzambi ya Menga ya Mbote,Mpi bayina ke fulusa makopa ya vinu ya bo me vukisa sambu na nzambi ya Mambu Yina Me Kanamaka.
12 Yo yina mono ta yambula beno na mbele ya bitumba,+Ebuna beno yonso ta fukama sambu bo fwa beno,+Sambu mono bingaka, kansi beno ndimaka ve,Mono tubaka, kansi beno waka ve;+Beno landaka kusala mambu ya mbi na meso na mono,Mpi beno solaka mambu yina vandaka kupesa mono ve kiese.”+
13 Yo yina, Yehowa Mfumu ya Kuluta Nene me tuba nde:
“Tala! Bansadi na mono ta dia, kansi beno, beno ta vanda na nzala.+
Tala! Bansadi na mono ta nwa,+ kansi beno, beno ta vanda na nzala ya masa.
Tala! Bansadi na mono ta vanda na kiese,+ kansi beno ta wa nsoni.+
14 Tala! Bansadi na mono ta tula milolo ya kiese sambu ntima na bo ta vanda mbote,Kansi beno ta dila sambu na mpasi ya ntimaMpi beno ta dila sambu na mabanza ya ke niokwama.
15 Beno ta bikisa zina mosi yina bantu ya mono me solaka ta sadila sambu na kusinga,Mpi Yehowa Mfumu ya Kuluta Nene ta fwa konso muntu na kati na beno,Kansi yandi ta binga bansadi na yandi mosi na zina ya nkaka;+
16 Mpidina konso muntu yina ke sosa lusakumunu sa- mbu na yandi mosi na ntotoNzambi ya kieleka* ta sakumuna yandi,Mpi konso muntu yina ke dia ndefi na ntotoTa dia ndefi na zina ya Nzambi ya kieleka.*+
Sambu bo ta vila bampasi ya ntama;Meso na mono ta mona yo diaka ve.+
17 Tala! Mono ke ganga zulu ya mpa mpi ntoto ya mpa;+Mpi mambu ya ntama ta kwisa ve na mabanza,*Yo ta kwisa mpi ve na ntima.+
18 Yo yina beno yangalala mpi beno vanda na kiese kimakulu na bima yina mono ke ganga.
Tala! Mono ke ganga Yeruzalemi sambu yo vanda kikuma ya kieseMpi bantu na yandi kikuma ya kuyangalala.+
19 Mono ta wa kiese sambu na Yeruzalemi mpi ta yangalala sambu na bantu na mono;+Milolo ya kudila to milolo ya mpasi+ ta wakana diaka ve na kati na yandi.”
20 “Na kisika yina, mwana-fioti yina ke zinga kaka bilumbu fioti ta vanda diaka ve,Mbuta-muntu yina me lungi- sa ve bilumbu na yandi ta vanda mpi diaka ve.
Sambu konso muntu yina ke fwa ti bamvula nkama bo ta mona yandi bonso mwana-fioti,Mpi bo ta singa nsumuki, ata yandi kele ti bamvula nkama.*
21 Bo ta tunga banzo mpi ta zinga muna,+Bo ta kuna bilanga ya vinu mpi ta dia mbuma na yo.+
22 Bo ta tunga ve sambu muntu ya nkaka kuzinga,Bo ta kuna mpi ve sambu bantu ya nkaka kudia.
Sambu bilumbu ya bantu na mono ta vanda bonso bilumbu ya nti,+Mpi bantu ya mono me solaka ta wa kiese kibeni sambu na kisalu ya maboko na bo.
23 Bo ta sala ve kisalu ya ngolo* sambu na mpamba,+Bo ta buta mpi ve bana sambu na kumona mpasi,Sambu bo kele bana* yina Yehowa me sakumunaka,+Mpi bantekolo na bo ta vanda ti bo.+
24 Nkutu na ntwala nde bo binga, mono ta ndima;Ntangu bo ke tuba ntete, mono ta wa.
25 Kibulu ta dia kisika mosi ti mwana-dimeme,Ntambu ta dia matiti kaka bonso ngombe,+Mpi madia ya nioka ta vanda mfututu.
Bo ta sala ata mbi mosi ve mpi ta bebisa ata kima mosi ve na ngumba na mono yonso ya santu,”+ Yehowa muntu me tuba.
Banoti na nsi ya lutiti
^ To mbala ya nkaka, “na sombolo ya bankengidi.”
^ To “ya mvindu.”
^ To mbala ya nkaka, “Sambu mono ta zabisa nge busantu na mono.”
^ Na kisina, “na ntulu na bo.”
^ Na kisina, “na ntulu na bo.”
^ Na kisina, “ti lusakumunu.”
^ Na kisina, “nkuna.”
^ To “Ntoto ya Kukonda Ngumba.”
^ To “ya kwikama.” Na kisina, “Amen.”
^ To “ya kwikama.” Na kisina, “Amen.”
^ To “bo ta yibuka ve mambu ya ntama.”
^ To mbala ya nkaka, “Mpi muntu yina me sala mbi ata yandi kele ti bamvula nkama, bo ta tadila yandi bonso muntu ya bo me singa.”
^ To “ta sala ve ngolo.”
^ Na kisina, “nkuna.”
