BENO LANDA KUKENGILA!
Inki Ntangu Bitumba Ta Mana?—Inki Biblia Ke Tuba?
António Guterres yina kele sekretere ya nene (secrétaire général) ya Nations unies tubaka sambu na bitumba yina insi Iran nwanisaka insi Israel na Mposo 13 avril 2024 nde: “Yai kele ntangu ya kusala nde diambu yai kukuma diaka ve ngolo mpi kutula ve luzingu ya bantu na kigonsa. Yai kele ntangu ya kudiyala.”
Bitumba yina ke salama na Moyen-Orient kele mbandu mosi mpamba ya babitumba yina ke salama na ntoto ya mvimba.
Kimvuka mosi (United Nations Security Council) tubaka na Kiya 26 janvier 2023 nde: “Bubu yai bitumba ke salama mingi kibeni na nsi-ntoto kuluta mutindu yo vandaka kusalama banda na Bitumba ya Zole ya Nsi-Ntoto ya Mvimba mpi bamiliare zole ya bantu disongidila muntu mosi na kati ya bantu iya, ke niokwamaka sambu na yo.”
Na kati ya bansi yina bitumba ke salama beto lenda tanga Israël, Gaza, Syrie, Azerbaïdjan, Ukraine, Soudan, Éthiopie, Niger, Birmanie mpi Haïti. a
Inki ntangu bitumba ta mana? Keti bantwadisi ya nsi-ntoto ta nata ngemba? Inki Biblia ke tuba?
Bitumba na nsi-ntoto
Bitumba yina ke salama na nsi-ntoto ya mvimba bubu yai ke monisa nde ntama mingi ve, bitumba ta mana. Bitumba yango ke lungisa mambu yina Biblia tubaka na ntwala sambu na ntangu yai ya beto ke zinga. Biblia ke bingaka ntangu yango nsuka ya nsi-ntoto.—Matayo 24:3.
“Beno ta wa makelele ya bitumba mpi bansangu ya bitumba. . . . insi mosi ta nwanisa insi ya nkaka mpi kimfumu mosi ta nwanisa kimfumu ya nkaka.”—Matayo 24:6, 7.
Tanga disolo “Inki Kele Kidimbu ya ‘Bilumbu ya Nsuka’ to ‘Ntangu ya Nsuka’?” sambu na kumona mutindu bitumba ya ke salama bubu ke lungisa mambu yina Biblia me tubaka na ntwala.
Bitumba yina ta manisa bitumba yonso
Biblia tubaka na ntwala nde bitumba yina bantu ke sala ta mana. Inki mutindu yo ta salama? Yo ta salama ve na nsadisa ya bikesa ya bantu, kansi na nzila ya Armagedoni yina kele “bitumba ya kilumbu ya nene ya Nzambi Nkwa-Ngolo Yonso.” (Kusonga 16:14, 16) Na nima ya bitumba yina, Nzambi ta lungisa mambu yina yandi me songaka bantu nde bo ta zinga mvula na mvula na ngemba.—Nkunga 37:10, 11, 29.
Sambu na kuzaba mambu mingi na yina me tala bitumba ya Nzambi yina ta manisa bitumba yonso, tanga disolo “Bitumba ya Armagedoni Kele Nki?”
a ACLED Conflict Index, “Ranking violent conflict levels across the world,” January 2024
Nge Lenda Sepela Mpi Ti
NZOZULU YA NKENGI
“Nsuka” Ke Tendula Nki?
Keti nge ke zaba nde mambu yina Biblia ke tuba sambu na “nsuka” kele kibeni nsangu ya mbote?
MALONGI YA MFUNU YA BIBLIA
Sambu na Nki Nzambi Me Pesaka Nzila na Bampasi?
Bantu mingi ke kudiyulaka sambu na nki ntoto me fulukaka ti bampasi mpi mambu ya nku. Biblia ke pesa mvutu ya mbote yina ke pesa kivuvu.
NZOZULU YA NKENGI
Mutindu Nzambi Ke Tadilaka Bitumba Bubu Yai
Ntama mingi ve Nzambi ta nwana bitumba yina ta sukisa bitumba yonso.
BENO LANDA KUKENGILA!
Keti Armagedoni Ta Yantika na Izraele?—Inki Biblia Ke Tuba?
Mambu yina mukanda ya Kusonga ke tuba sambu na Armagedoni ke pesa mvutu.
MASOLO MPI BAVIDEO
Kivuvu ya Kieleka Sambu na Bilumbu ya Ke Kwisa
Inki mambu ya Biblia me tubaka nde yo ta salama ya kele ve bonso yina bantu me tubaka nde yo ta salama mpi yina bo me tubaka nde bo ta sala?
MAMBU YA ME TALA BETO
Lomba nde Mbangi Mosi ya Yehowa Kukwisa Kutala Nge
Tadila ngiufula mosi ya Biblia, to sosa kuzaba mambu mingi na yina me tala Bambangi ya Yehowa.
