LIÇÃO 03
à ne tugnĩn Topẽ Vĩ Rá kri finh ke mũ hẽn?
Topẽ Vĩ Rá vỹ nén ũ há e tỹ hãn ri kenh ke mũ ag to kãmén tĩ, kar tóg ẽg jyvẽn tĩ. Hẽn ri ke mũn, ã tỹ Topẽ Vĩ Rá tỹ ẽg mỹ nén tó tĩ to kanhrãn tãvĩ sór tĩ. Hã ra hẽn ri ke mũn ver ã tỹ vẽnh ki jẽmẽg tĩ, nén ũ ag to. Topẽ Vĩ Rá vỹ tỹ vẽnh rá si nĩ, kỹ ã mỹ ti ki nén rán ja ag, kar ti vẽnh jyvẽn ag kri finh ke mũ hãn? Ũri, Topẽ Vĩ Rá mỹ ẽg ajũna ke tĩ hẽn? Kar ẽg mỹ Topẽ Vĩ Rá tỹ ẽg mỹ nén tó ja ag kri finh ke mũ hẽn, nén ũ tỹ hãn ri kenh ke mũ ag to? Ũn e ag vỹ tag to: háv, ke tĩ. Ã mỹ hãn kri finh ke mũ gé?
1. Vẽnh kãme ag tỹ Topẽ Vĩ Rá ki ránrán kỹ nỹtĩ, ag mỹ hãn ri ke ke hãn?
Topẽ Vĩ Rá vỹ ẽg mỹ ke tĩ, ũn tỹ Topẽ Vĩ Rá ki nén ũ ag ránrán ja, ag vỹ ‘vẽnh vĩ hã ránrán’ kỹ nỹtĩ. (Eclesiastes 12:10) Topẽ Vĩ Rá vỹ nén ũ tỹ hãn ri ke ja ag to kãmén tĩ, kar ũn pẽ ag to. (Lucas 1:3; 3:1, 2 le kem nĩ.) Ũn tỹ nén tỹ hãn ri ke ja to kanhrãn tĩ ũ ag, kar nén si to kanhrãn tĩ ũ ag vỹ ke tĩ, Topẽ Vĩ Rá to: Topẽ Vĩ Rá tỹ nén ũ kãmén kỹ, kurã ũ to, ũn to, ẽmã ũ to, kar nén tỹ hãn ri ke ja to, ti vỹ ki hã kãmén nĩgtĩ.
2. Topẽ Vĩ Rá tỹ tỹ vẽnh rá si nĩ ra, ti mỹ ki hã tó tĩ hẽn?
Vãsỹ ũn ag pi nén ũ ag ki kanhrãn há tĩ vã, ge ra Topẽ Vĩ Rá vỹ nén ũ ẽn ag to kãmén há tĩ vã. Ti vỹ ciência to kãmén sĩ tĩ. Vãsỹ ũn ag tỹ Topẽ Vĩ Rá ránrán kỹ nỹtĩn kã, ũn ag pi Topẽ Vĩ Rá tỹ ciência to kãmén tĩ ag kri fig tĩ vã. Ũri ciência vỹ vẽnh kar mỹ ven tĩ, Topẽ Vĩ Rá vỹ ki hã kãmén tĩ. “Tũg henh ke tũ ti nĩ, ti vĩ ti, ki hã tóg tó tĩ.” — Salmo 111:8.
3. Ẽg ne tugnĩn Topẽ Vĩ Rá tỹ nén tó tĩ kri finh ke mũ, nén ũ tỹ hãn ri kenh ke mũ ag to?
Topẽ Vĩ Rá tóg ẽg tỹ “ne venh ke ti tó ja” nĩgtĩ. (Isaías 46:10) Nén ũ e tỹ hãn ri ke ke jo, Topẽ Vĩ Rá vỹ nén ũ ẽn to kãmén vén ke. Topẽ Vĩ Rá vỹ nén ũ tỹ ũri hãn ri ke tĩ ag to kamén ja nĩ gé. Lição tag kã, ẽg tỹ kanhrãnrãn ke vẽ, Topẽ Vĩ Rá tỹ ẽg tỹ ne venh ke ti tó ja ag to. Topẽ Vĩ Rá tỹ nén tó ja ẽn ag hã vỹ hẽn ri ke ke, tag to kanhrãn mũ vỹ ẽg tar han tĩ!
VẼNH KANHRÃN KÃFÓR NĨ
Ha tugnỹm, Topẽ Vĩ Rá hã ren kỹ ciência to ki hã kãmén tĩ, kar vẽnh kanhrãn nĩ, Topẽ Vĩ Rá tỹ nén tó ja tỹ hãn ri ke ja ag to.
4. Topẽ Vĩ Rá tỹ ciência to kãmén kỹ, ki hã tó tĩ
Vãsỹ ũn e tãvĩ vỹ Ga tỹ nén ũ kri nĩ kri fig tĩ vã. Ha vé VÍDEO ti.
Ha tugnỹm prỹg tỹ 3.500 kãfór tỹ nỹ, ne rán kỹ nĩ ti, vẽnh rá tỹ Jó ki. Jó 26:7 le kem nĩ. Kar jagnẽ mré vẽmén nĩ, tag to:
-
Vãsỹ Topẽ Vĩ Rá tóg: ‘Ga tỹ nén ũ tũ kri nĩ’, ke mũ. Tag ne tugnĩn ẽg mỹ e tĩ?
Sir há tãvĩ sir, Topẽ Vĩ Rá vỹ kãmén mũ, ta vỹ kutãn kỹ, goj vỹ kanhkã góg ra vỹn ke tĩ, ti kutã mãn jé. Prỹg tỹ 3000 kãfór tỹ nỹ, Topẽ Vĩ Rá vỹ tag to kãmén mũ, kar kỹ ũn ag vỹ tag ki kanhrãn há mũ. Jó 36:27, 28 le kem nĩ. Kar jagnẽ mré vẽmén nĩ, nén ũ tag ag to:
-
Topẽ Vĩ Rá tỹ goj to nén to kãmén tĩ ne tugnĩn ẽg mỹ e tĩ?
-
à tỹ Topẽ Vĩ Rá ki nén ve ja ag mỹ ã tỹ Topẽ kri fi kãfór han ke?
5. Nén ũ ag tỹ hãn ri ke ke jo, Topẽ Vĩ Rá tóg kãmén mũ
Isaías 44:27–45:2 le kem nĩ. Kar jagnẽ mré vẽmén nĩ, tag to:
-
Prỹg tỹ 200 jo, ẽmã tỹ Babilônia vỹ tũꞌ ke ke jo, Topẽ Vĩ Rá ne tag to kãmén ke?
Jesus tỹ Ga kri mur ke jo, prỹg tỹ 539 kã, pãꞌi mág tỹ Pérsia, Ciro vỹ ẽmã mág tỹ Babilônia ra kã ge mũ, ti mré ke ag mré. Ẽmã ẽn pénĩn vỹ goj téj nĩ vã, kỹ ag tóg goj téj ẽn tỹ pipir han ke, kar kỹ ag tỹ ẽmã ẽn ra kã ge mũ, ẽmã jãnkã mág ag tỹ rugróm kỹ nỹtĩn kỹ. Gen kỹ ag tóg Babilônia ra kã ge há mũ. Prỹg tỹ 2.500 kãfór tỹ nỹ ha, tag tỹ hãn ri ke ke, ũri Babilônia vỹ kókén kỹ nĩ. Ha vé, nén ũ tỹ hãn ri ke ke jo, Topẽ Vĩ Rá ne tó ja ti.
Isaías 13:19, 20 le kem nĩ. Kar jagnẽ mré vẽmén nĩ, tag to:
-
Topẽ Vĩ Rá tỹ nén tó ja tag hã ren kỹ hẽn ri ke ke?
Tag vỹ tỹ Babilônia kokén ja ti nĩ, ũri ti tỹ ẽmã tỹ Iraque kã nĩ
6. Topẽ Vĩ Rá vỹ kãmén tĩ, nén tỹ ũri hãn ri ke tĩ ag to
Topẽ Vĩ Rá vỹ ẽg mỹ kãmén tĩ, ẽg tỹ ũn jykre pãno ag vỹ tũꞌ ke “to hã” nỹtĩ sir. (2 Timóteo 3:1) Ha vé, Topẽ Vĩ Rá ne kãmén vén ja nĩ, ẽg kurã ag to.
Mateus 24:6, 7 le kem nĩ. Kar jagnẽ mré vẽmén nĩ, tag to:
-
Topẽ Vĩ Rá ne nén tỹ hãn ri kenh ke mũ to kãmén tĩ, kurã tỹ ẽgno to hã?
2 Timóteo 3:1-5 le kem nĩ. Kar jagnẽ mré vẽmén nĩ, nén ũ tag ag to:
-
Topẽ Vĩ Rá ne tó ja nĩ, kurã tỹ ẽgno to hã ũn ag vẽjykre to?
-
Ũri ã tỹ nén ũ tag ag tỹ ne vég tĩ?
ŨN PIPIR AG VỸ KE TĨ: “Topẽ Vĩ Rá vỹ gufã tãvĩn to kãmén tĩ, kar ón kỹ vẽnh kãme to.”
-
à hã mỹ, ẽg ne tugnĩn Topẽ Vĩ Rá kri finh ke mũ?
à NE KANHRÃN JA TI
Vẽnh kãme, ciência kar Topẽ Vĩ Rá tỹ nén tó ja ag vỹ ẽg mỹ ven tĩ, Topẽ Vĩ Rá kri fig mũ vỹ ẽg mỹ há nĩ.
Jykrinkrén mũ
-
Nén ũ ag tỹ Topẽ Vĩ Rá ki ránrán kỹ nỹtĩ ag mỹ hãn ri ke ke hẽn?
-
Ne nỹ ẽg mỹ ven tĩ Topẽ Vĩ Rá tỹ ciência to ki hã kãmén tĩ?
-
à mỹ kri fig tĩ, Topẽ Vĩ Rá tỹ nén ũ tỹ hãn ri kenh ke mũ ag to ki hã kãmén tĩ? à ne tugnĩn ge ãkrén tĩ?
VẼNH KANHRÃN KÃFÓR MŨ
Topẽ Vĩ Rá mỹ vẽnh mỹ kỹ tó tĩ ciência to?
“Topẽ Vĩ Rá mỹ ciência to ki hã kãmén tĩ hẽn?” (Vẽnh rá tỹ jw.org)
Nén ũ ag tỹ ne ẽg mỹ ven tĩ ẽg tỹ kurã tỹ ẽgno “to hã” nỹtĩ sir?
“Topẽ Vĩ Rá tỹ nén tỹ 6 to kãmén ja tỹ hãn ri ke tĩ ũri” (A Sentinela, 1.° tỹ maio tỹ 2011)
Ha vé, Topẽ Vĩ Rá tỹ Grécia tá ke ag to kãmén ja hã ren kỹ hẽn ri ke ja ti.
Andreas kãme ki kanhró nĩ, ti pi Topẽ kri fig tĩ vã. Ha vé, Topẽ Vĩ Rá tỹ nén tó ja ag hã ren kỹ ti ajũna ké.
“Inh jykre ki, Topẽ vỹ tũ nĩ vã” (A Sentinela, n.° 5 tỹ 2017)
